[ابن مشيب]

وعليكم السلام


عزيزي البدراني , انعم واكرم بك وبالبدارين وبالدواسر وبأهل سدير والمحمل , حياك الله وبياك في منتدى الهيلا , ونتمنى ان تقضي اجمل الاوقات بين صفحات الهيلا.


اسمح لي ياعزيزي فقد جانبت الصواب بشكل كبير , حيث انك تقول في مشاركتك السابقة , مانصة:

المشاركة الأصلية كتبت بواسطة بدراني دوسري

وسيطرة الدواسرة من مئات السنين وفيها من مئات السنين وليس من فترة بسيطة وما نازعهم احد وغلبهم على بلادهم الا في الوقت الحاضر اللي صار كل امير عشيرة صغيرة او حمولة ما يجي عددهم خمسة انفار يبون يسوون لهم هجرة ومركز حتى يمشي لهم راتب من الدولة فصاروا الشيابين يطمعون في الظيرين والسبعان يطمعون في رغوة واللي حولها
وكل هذي البلاد من بلاد الدواسر من قديم الزمان
لكن الظاهر الواسطة هي اللي سمحت لبعض شيوخ القبائل يسمحون لهم انهم يحطون هجر في ديار قريبة منها وهذا ما سبب المشاكل الحالية ومنها الصك اللي يقوله السبيعي والمكتوب سنة 1424 هـ

وهذا خطأ كبير وجسيم كذلك , عندما نعت الشيابين وسبيع بالإستيطان في الهضب بالوقت الحالي بعد الحكم السعودي.

نعم انا لا اختلف معك ان الهضب قبل نزول قبيلة قحطان في منطقة نجد في حدود عام ( 1200هـ تقريباً ) كان يسمى هضب ال زايد , لان الدواسر فقط هم من كان يقطنه من القبائل , ولكن بعد نزول قبيلة قحطان لنجد , دارت معارك بين قحطان والدواسر في هذه المناطق , وكانت الغلبة لقحطان , واصبح الهضب من بلاد قحطان , وانزاحت قبائل الدواسر للجنوب والشرق , وبقت فيه قحطان حتى نزول قبيلة الشيابين من عتيبة في مناخ دلعة ( عام 1290 هـ تقريباً ) بين برقا من عتيبة من جهة وقحطان والدواسر من جهة آخرى , وهذا التحالف بين العدوين اللدودين قبيلة قحطان والدواسر , كان من اجل توقيف زحف قبيلة عتيبة , القادمة من الحجاز , وكان النصر حليف قبيلة عتيبة , وبعد هذه المعركة , توسعت قبيلة الشيابين جنوباً تجاه الهضب على حساب قبيلة قحطان , حتى وصلوا سقمان في حمرة الهضب , ولم يكن للدواسر بعد مناخ دلعة , اي إحتكاك مع قبيلة عتيبة من اجل توقيف زحفها تجاه الجنوب , وكانت المعارك الدائرة هناك مع قحطان , وقد كان الشيخ هذال بن فهيد ( المتوفي عام 1321 ) , يتوعد بعض شيوخ قحطان , فيقول موجه خطابه لمناحي بن جرمان:

ياركابٍ من عندنا ثنتين=يم الجنوب مناحيٍ تلقاه
يحرم عليه ( الحزم والضيرين)=والهضب مايشرب برايد ماه

وبعد معارك مع قبيلة قحطان وانتصاره عليهم , والإستيطان في بلادهم في منطقة الهضب , يقول:

نرعى ( الحمل ) بمذلق العيدان=ديرة عشق وهديف بن عبود
والشيخ ينزل منزله عجلان=وشيخ الفهر عن ديرته مطرود

ومن الدلائل على ان قبيلة الشيابين كانت تقطن تلك المنطقة قبل توحيد هذه البلاد الطاهرة على يد المغفور لهُ الملك عبد العزيز , كان يقول الشيخ هذال , مخاطباً الشيخ فيصل الدويش شيخ مطير:

ياواصل مني ليا معبول=العد لايخلي جباه
جيناه من يم ( الدخول )=والزمل نرقع في حفاة

فالحزم والضيرين والحمل والدخول , وجميعها معالم وابآر في منطقة الهضب , كانت من املاك قبيلة الشيابين في عهد الشيخ هذال بن فهيد قبل الحكم السعودي الاخير , وكانوا الشيابين يصارعون فيها قحطان وليس قبيلة الدواسر , اللذين لم يكن لهم اي إيشارة في هذه الصراعات , لبعدهم عن هذه المناطق.

فكيف تقول ان الدواسر لم ينازعهم احد على هذه مناطق الهضب , إلى في الوقت الحاضر ؟؟؟؟؟؟؟؟؟؟؟؟