الاخ معتز اولا بارك الله فيك في ذكر هالسالفه ولو انك مخطيء فيها
فالسالفه طال عمرك على عبيد بن زريع الدعجاني
وسالفتها
ان عبيد بن زريع الدعجاني امضى بعض الوقت مع المحالسه احد افخاذ قبيلة مطير يسكن في بيت اخوه من الام هزاع بن جرمان الهرف وكانت احواله الماديه غير مشجعه وفي احد الايام طلب ابن زريع من عبيد بن حجرف الهرف ذلولا من الهجن لمحاوله التسلل عليها الى احدى القبائل لعله يظفر بغنيمه وكانت الذلول غير مطواع وكان يبحث عن احد يرافقه فلم يجد فقال
دورت لك يافاطري من يباريك ... وكلا يقول من الجماعه نروحي
يازين مع خطو المسيله تمدريك ... تمدري اللي عن حليله طموحي
تمدري اللي بالضحى عند اهاليك ... وثوبه على السيقان غادن شلوحي
حلفت انا يافاطر الهرف لارذيك ... ارذيك لو انك عليه لحوحي
واصير لك كودن كما فعل راعيك ... ماهو كلامن ياذلولي مزوحي
والله لتوحين الموده باذانيك ... اليا قام يندب كل شقحا طفوحي
والله لركزلك عباتي واخليك .... واضوي ولو صكت على النبوحي
والله لا اجيب السرق لين ياتيك ... والعقل وانتي ياذلولي سموحي