[ناجح الشمري]

الله من هم بوسط الحشاء ناح=هم بوسط القلب له عدة اعوام
تلعب به الذكرى والايام جراج=غرايب الدنيا وعجلات الايام
ان قلت همي زال واصبحت مرتاح=بي حيرتي ساقت على شين الاوهام
مار ان ماكل المجاليس بياح=وماهن على بعض المراوات جزام
اطرد ورى شفي ولا شفت الارباح=بسباب من يهوى المهاوي والالوام
لو ان كل عن خبر ساعة ايضاح=يعلم وكل له بالايام مفهام
غيب القدر ما بين جالس ومن راح=والغيب مايجزع منه كل فهام
ياصار غيب الوقت بالجوف طفاح=مامن مرابيح ورى كل مجهام
واللي يجادل للغلط لاجل الايراح=هذاك ماهو ساعة اللوم هزام
عديت من مااصاب ماشفت الانجاح=لاكن مايضمن خفا الدور من قام
واللي صبر يلقى المجازي والارباح=لو كان ماينرد ماكان قد حام
والحزن والتعجيز وايام الافراح=ماهي تساوي لاكن العام بالعام
وهرج اللغا واللي اليا قيل فشاح=ملفاه منهو ساعة الحد لطام
واللي يعيش بدنيته عيشة امزاح=ماحده المجهول واعذار الايهام
لاكن عسى الخيرة نصيب ومنجاح=لاقصر الحظ الردي بكل محتام
وهاذي سواة سنيننا تنبح انباح=وكل على حقه غيور ومقدام
وان حضبن شين الجواري بمرجاح=ياحرك البين مناويه الالزام
والنور بين والتسبايب لفاح=تبقى محاذرها جزيلات هيام
ومن راد شين دونه الفين قباح=طبع البشر بين الحقايق والاجرام