[الجعفري]

قال سعدون العواجي

بيبان قلبي والضماير عونّي = إعواي مع ماضي مع سبيب الربابه
أعوي عوا اللي يوم يقنب يوني = ذيبٍ تعاويه الضواري بلابه
في راس مرفوع الحجا يقنبني = تجاذبن الصوت رمل الذيابه
أنا عويت ومثلهن قمت أوني = عزي لمن عكف الشوارب ذهابه
زمل المحامل بالمهامه غدني = وأنا بعدمنعرض جملة احسابه
قصيتهن حتى انهن حودرني = مع جال مايرجع ذهيبٍ غدابه
لا والله ليثها غاب عني = ماعاد يرجع ليثها من غيابه
الخوف عقب العز حبله مكني = وتحطمت عقب العقاب المهابه
أيامها وسنينها خسرني = ليثٍ يجندل مقحمين الحرابه
صوته ذعار مشمرات تعني = درع المتلي والصوافن تهابه
سيفه بهامات العدا مايوني = إن جا نهارٍ طال وأظلم ضبابه
الموت سحبه هشمن وارعدني = وارزم خياله يوم رودم سحابه
رجف الحوافر بالفوارس يرني = والسيف يصرخ بالجماجم اذبابه
واليا برز له فارسٍ مايثني = صاحن عليه ملويات العصابه
يشهد على ماقلت ريع المغني = وتشهد على قولي شوامخ اهضابه
وتشهد ابواعه والقرايا يشهدني = ورمان يشهد والعماير وطابه
يرمس على موت الحمر ما يكني = حبس بحومات الوغي يلتجابه
من عقب ماني دالهن مرجهني = البين يامضي قضعني ابنابه
غزو الندامه سرد خيله وطني = ركز بلاه وجاحني في صوابه
العام نجمي مطربينه يغني = واليوم عيدان الزوابع هبابه
عقاب خذته المقادير مني = لو صحت ما يرجع علينا جنابه
البيض تنعى والعشاير تحني = عليك ياسبعٍ عرينك بغابه

وطبعا عيال عقاب وحجاب كانوا بهذه الفترة صغار وغير قادرين على أخذ الثأر ولم يبقى لسعدون غيرهم فأخذ يدربهم على الفروسيه ويحثهم على أخذ ثأر عياله وقال لهم قصيدة وأن يردو عليه بقصيدة ،

واذا اعجبته القصيدة يعطيهم المهرة بنت فرس عقاب فلحا ...

وقال سعدون العواجي هذه القصيدة يشكي فيها لاحفاده عيال عقاب وحجاب يبيهم يتقاضون

الصدر ضاق وضاقت الارض بيه = والهم من بين الصناديق لاجي
من العيشة آكل مار ماهي هنيه = والدمع يسكب من عيوني بجاجي
على الشيوخ مدلهين الرعيه = ترعى هيت عن دربها ماتعاجي
مرحوم ياللي ما يخلي خويه = يلكد على الموت الحمر مايجاجي
رجواي لابن عقاب ثامن ضحيه = الصبر قل وفات وقت المارجي
أرجيه رجوة غارسين الوديه = ماخاب غراس يدور النتاجي
وصيتي ما هي عليكم خفيه = تنخاك يابن حجاب سفر الحجاجي
لكم على هايس مطالب دعيه = متبينه ياعيال ماهي مناجي
صبرٍ صبرته يخلف الله عليه = عقب الزلالي صار شربي هماجي
أما طلعتوا طلعة الصيرميه = عندي مثل حسبة عيال النعاجي

فرد عليه فريح بن عقاب العواجي :

يا جد يا زين الجواد الرديه = الى انذعر راعي الجواد الرواجي
انا هوايه فوق بنت العبيه = ولاعبه قدام جمع العواجي
ومصقلٍ حده سهوم المنيه = عليه وصف من حسام الخفاجي
أبا اذبح الفارس لزومٍ عليه = والا على قبري يثور العجاجي
ان ماخليت الرمح مثل الحنيه = مع الجعر حطوا عشابه بصاجي
ثار لبوي عقاب ذيب السريه = مودع جياد الخيل سرجه مراجي
ان جا نهارٍ فيه شل الدميه = وغدا لهن فوق الطريح ارتواجي
يلكد عليهم والعزايم قويه = ليث يعقب للسبايا انزعاجي
لو عرضت لي بنت حامي الونيه = قبل القضا يحرم علي الزواجي

ورد عليه جارالله بن حجاب العواجي :

ياجد قلبي صار مثل الشويه = والابنار باللهب له سجاجي
هواي والله مهرة معنقيه = مشمر بنت الحصان الرواجي
الكد على الصابور في كل هيه = واطلق عقال الذود والليل داجي
واصلق عليهم غارة جعفريه = حتى يطير غبارها والعجاجي
ثارٍ لبوي افعل بليا وصيه = يلعن غلامٍ شاف خصمه وماجِ
لو اهني من طارد الزوبعيه = قبل وديع الروح ياجد ياجي
لابد من جرفٍ يدهدم عليه = ولاينفعن كثر النعي واللجاجي

فاز ولد عقاب بالفرس وقتل هايس

بعد مقتل هايس القعيط قال سعدون

فاتن ثمان سنين والثار غادي = مواكرك ياعقاب عقبانها صغار
عضود فرخك ما تجيد الهدادي = سنه صغير ولا تمكن من الثار
واليوم يروي مرهفات الهنادي = والخيل من فعله هزايم وعبار
يا عقاب دونك هايس جاك بادي = ثم انشده ياعقاب كيف الخبر صار
((فرخ العقاب اللي رمى به وكادي = خلا شتات الريش شتان وبذار))
((حرٍ قنص حرٍ بثاره وصادي = ليث على خيل المعادين كرار))
الى عثى بمشمرات الجوادي = ياعقاب مثلك لاحمر الدم نثار
يقطع صبي ما بثاره ينادي = والخوف ما طول قصيرات الاعمار

مشكور اخوي على ذكرك سعدون العواجي وابنائه

آخر تعديل الجعفري يوم 05-Oct-2007 في 01:54 AM.