[غالب الذيابي]

يا من نلوذ برحمتـه عـن عذابـه=ونلجا لوجهه بالدعـا تالـي الليـل
افرغ علينا الصبر واكتـب ثوابـه=من وقتنا اللي شاب فيه اصغر الجيل
عصر التوحـد والحَـزَن والكآبـة=تشوف حزنه فـ. العيـون المظاليـل
وأهل العقـول محلحليـن النشابـة=راحوا تحت عوجاه روسٍ معازيـل
الرابح اللـي سالـمٍ مـن صوابـه=عنه القلم مرفوع ضمـن المهابيـل
وأخاف مـن ربـي يجينـا عقابـه=مكرٍ يحـوّل مـن علـوه بسجيـل
الظلم عـم وصـار بيـن القرابـة=وقطيعة الارحام أهـم المحاصيـل
والمنكر أصبح سوق مفتـوح بابـه=ترتاده اللي عقلهـا طمّـه السيـل
لابو دعاة العيـب روس العصابـة=اللي لهـم فـي مجتمعنـا منازيـل
دسـوا لهـا سـم القلـم بالكتابـة=وأفتوا لها فتوى تحرر وتظليـل
عفافها يبغـون زهـرة شبابـه=وأماكن الإحراج تصبـح تساهيـل
واهدافهم شـوف العفيـف المهابـة=تكتب على مابيـن الافخـاذ تقبيـل
تيار جارف من ينوشه غدى به =ينجا منه راع الدعا والتهاليل
يقولهـا تبـاع هـدي الصحـابـة=واضح سوات النير لو خاطه الليـل

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

آخر تعديل غالب الذيابي يوم 24-Sep-2012 في 12:51 AM.