وجهة نظري فالطاروق بعد الشكر لناقله
طاروق رائع جدا ولو أن معناه تكرر كثيرا
وكان في أخر حفلات الصيف في الرس
الطاروق يتكلم من بدايته عن شاعرية الشيخي
ابداع فالفتل والنقض من اول بيت
مرحبا بالشيخي اللي جرته حمـره جديـده=ماتبا قصاص اثر تبغا لها واحـد حرامـي
والله اعلم لو افتش واتعيـن فـي رصيـده=ما لقيت إلا بطاقة تحـت توقيـع الزلامـي
فتل رائع من حبيب فالبيت الاول والثاني ( بمعنى أنك جديد يالشيخي على الساحه ولامعك الا بطاقة دخول للقلطه موقع عليها الزلامي كنايه عن شهادة الزلامي للشيخي )
والبقا بالروقي اللي جرته ماهـي وحيـده=جرته مثل الجرر واسمن بعد مثل الاسامـي
نقض الشيخي للبيت الاول قوي رغم أني ارى أن فيه اجحاف كبير بحق حبيب العازمي وأنه مثله مثل اي شاعر ولكن هذه أساليب الشعراء مع خصومهم
كثرت الزحمه على خط البلد والدرب سيـده=مير ماتقبضني النجده وانا سايـق نظامـي
نقض الشيخي للبيت الثاني لأبأس به من وجهة نظري ولم يكن كالبيت الاول ويقول أن الشعراء كثروا فالبلد وأنا ماشي على النظام السليم للقلطه
بعدها بدأت حرافة حبيب في الضغط على الخصم
اعلم اني ما استفيد وفيه ناسـن مستفيـده=واحمدالله يوم انا ما ماع مخي من عظامـي
استكمل معناه في بيته الاول وانك مستفيد وغيرك مستفيد من ذلك الشهاده
يولد بالخيزرانـه ليـش طقيـت الحديـده=الحديده ضدها من نوعها والطـق حامـي
وفي البيت الثاني ينتقد نقض الشيخي للبيت (شهادة الزلامي ) ويقول بالخيزرانه كيف تطق الحديده بمعنى بيتي قوي جدا وقابلته بشي هزيل
بعد ما سلمك في قبضة يدي شاعر عبيـده=انحذفت يسار نوشتـك بعيـدات المرامـي
الخبر فالروس ماهو في عناوين الجريـده=الرصاص اللي تشيله في حزامك من حزامي
بعدها الشيخي أخلف مسار الطاروق ربما نقول ضعف منه وربما نقول ذكاء
صايدك صايدك والقرقاح ينضج لين اصيده=خابر القرقاح مدري وانت زهراني تهامـي
حط كفك فالشحم عقبـن تفاقـد للعصيـده=الطعام اللي تشكر منه كلـه مـن طعامـي
وبعدها ذهب معه حبيب على ما أراد في بيته الأول ولكنه عاد لمعناه في البيت الثاني وانه الخير الذي أنته فيه يالشيخي والحفلات المتكرره كلها من خيرنا بسبب شهادة الزلامي لك .
أنت منته بالخليل اللي ركز حكـم العقيـده=تحسبن النار ياهالعازمـي بـرد وسلامـي
انت ماتعرف شروط الحق يا مطوع بريـده=ما بعد كملت ثالث شوط وتحـل الحرامـي
وبعدها الشيخي يعود الى مثل نقضه فالبيت الأول وهو التقليل من حبيب العازمي
الك خمسية ريال وهات لي بيـت القصيـده=كان وليا انك كلامك فيه نسبه مـن كلامـي
انت من راعتك منا رحت عمـره للحديـده=خلنا في هالمقام ولا تجي فـي هالمقامـي
بعدها حبيب يقول لك 500 ريال أن أتيت بمثل ما تي به