أخوي أبو مرحبا : أشكرك جزيل الشكر على إختيارك المتميّز دائما ً
ويا هلا ومرحبا بأخوي الشاعر المشهود له بالتميّز / مشعان البراق .
الاصدقاء ماهـم بمثـل الاحبـــــه=== تفهّم الموضـوع علـى رواقـه
كنت احسب ان اوضاعنا مستتبّـه===وآثر الغلا شمع ٍ يزيـد احتراقـه
وشلون فنجال التراجـع تصبّـــــه=== وتقتل ب( خلك ) لهفته واشتياقه
والا كذا من دون داعـي وسبّـــه=== اكفاك من تمر الغرام الذواقـه !
حلـم ٍ ذعاذيـع الحقايـق تهبّــــــه=== دوب انثنى قبل آخر الدرب ساقـه
مانبهّه فـي خـط سيـره منبّـــــه=== الا القرار اللي انتظرتـه شفاقـه
اخطى علـيّ / آلله ربـي وربّـــه=== خطاً سرق كل امنياتـي سراقـه
يصير من بعد الصداقه .. محبّــه=== بس المحبه .. مابعدهـا صداقـه
تسلم أناملك يالبراق . وإن شاء الله لمراتب أعلى .
بس حبيت أسئل : أخوي الشاعر / مشعان البراق , كيف نحصل على الأمسيات التي شارك فيها ولو بالصوت .
أشكر شاعرنا الشاب / مشعان البراق , على تلبيته دعوة المنتدى .
تقبلوا مروري .
أخوكم/ قادح شرار(الثبيتي).