من أجمل ما سمعت في ليلة البارحه
ابداع منقطع النظير من ابو فلاح والله يوفقه وعقبال سيف المعنى
وابداع من القاضي الجهني تمنيت أن أعطي درجه أكبر مما أعلن
الطاروق الأول
المعنى ( الضيف )
هندي القاضي
مرحبا بك يازعيم المملكه صقر الجزيره = عدت سالم واقف يا جمهور تقدير وتحيه
يقبل بشانن كبير ولا جلس في جكم غيره = ولا مشى كيفه يعد العلم والنيه مطيه
علي العضياني
بارك الله فالملوك اللي يقودون المسيره = خادم البيتين واجبنا نرحب في مجيه
الوجوب الواجبه ماهي على الطيب كثيره = في زمان الدين ولا في زمان الجاهليه
هندي القاضي
واجبه حق (ن) على المسلم ويشرح له ضميره = والله اني ما نسيت حقوق واجبت (ن) عليه
لأجله الطائي نحر حلق فرسه مدري بعيره = ماطلب رد الخبر عنها ولا جزل العطيه
علي العضياني
اليمين الطايله تغلب على اليمنى القصيره = لا توصيني ولا أوصيك يا راعي الوصيه
كلنا ندري بحاتم سيرته فالوقت سيره = راعي الوجه البشوش وراعي الكف النديه
هندي القاضي
انتم أهله له وحنا أهله وقل جا له بشير = دون قاصر فالرجال اهل الوفا و الشاذليه
الطاروق الثاني
المعنى (سيف المعنى )
علي العضياني
سلام تسليم الوفاء والله يمسيكم بخير = من شاعر (ن) مقصوده النوماس رفرف يا علم
يا هندي المعنى عليه يقودنا سلك الحرير = والمعرفه بين العرب مقياس رفرف يا علم
هندي القاضي
يا مرحبا بك يالمسلم بإسم هالجمع الغفير = من شاعر (ن) بالعز طايل رأس رفرف يا علم
بيني وبينك يا علي يبا يصير اللي يصير = والمعرفه ما تنشرى بالماس رفرف يا علم
علي العضياني
ما في بني تغلب نهار الحرب مثل الزير زير = اللي يريد الثار من جساس رفرف يا علم
يبا يطير الطير واللي غير ما يقدر يطير = يصبح مثل عباس ابن فرناس رفرف يا علم
هندي القاضي
نبا نخوض الحرب يا ابو زيد بالسيف الشطير = تلقى خبرها مع جموع الناس رفرف يا علم
حنا خطانا ثابته لانّا نوينا بالمسير = ولو مت جوع أقول ما أطبخ فاس رفرف يا علم
علي العضياني
يا صاحبي ليتك مصلي ركعتين ومستخير = قدام لا يلعب بك الهوجاس رفرف يا علم
ناد الحزم بين النوادي يعتبر نادي كبير = لكن ما اظنه يجيب الكاس رفرف يا علم
هندي القاضي
أنا ما اقول أنك عمى لكن تقول إنك ضرير = ناطحت سيف ومعك حمل أمواس رفرف يا علم
سيتم اكمال نقص الأبيات من الطاروق الاول لاحقا
| التوقيع |
|
عالم تويتر
abofayeh@ |