السلام عليكم ورحمة الله وبركاته
هاذي رديه بين الشاعر الفارس تركي ابن حميد والشاعر الفارس محمد بن هادي بن قرمله رحمهم الله ويرحم اموات المسلمين اجمعين
يقول تركي
يازبن كرب فوق مايطرد النوم
حراير يازبن مثل الاهله
مرباعهم مابين ظلم والاكموم
ومن السفيف يرمحن الاظله
ملفاك شيخ بالقصى يذ بح الكوم
شيخ وشيخان القبايل تد له
تلقا محمد زبن من جاه مضيوم
زبن الذ ليل الي مخيف محله
واليا لقيت الشيخ يازبن ملزوم
تعطيه مرسوم بوسطه سجله
وان كان جيت النضو يازبن ماسوم
رد الخبر والنضو يازبن خله
جانا من الشايب مكاتيب وعلوم
حي الكتاب الي لفا حشمة له
الشايب الي ينقل الكبر والزوم
باغي لحكمي مير انا عاصي له
واضن القصيده اكبر من ذالك فرد عليه محمد بن قرمله
يقول بن قرمله
حي الكتاب اللي من الزاج مرشوم
حيه وحي الي مشي حشمة له
ساعه قريته شفت ماعفت مرسوم
رد النقا تركي وهو منحي له
لا والله الا راحوا اصحابنا قوم
تناقضت من بينهم بالا جله
ياسابقي غاشن اعتيبه منك لوم
مثل الربيع اليا غشا نجد كله
وان كان تطري النجم والنجم مفهوم
والنجم يدوي والجبل راسي له
مانشتحن للحرب والحرب مفهوم
ويا سعد من حن في اللقاء فزعة له
ماخلقت الد نيا ولا الناس في يوم
واللي تمنا حربنا مضحي له
وان كان في نفسه فلا هو بمليوم
نعم الشوارب وافي الشبر كله
متوسط ما بين عتبان وابقوم
والله علم في دق سلكه وجله
وهاذي رديه ثانيه
وقال تركي قصيده وصف فيها بعيرا خياليا لاوجود له وهي تعتبر من المداعبات
يقول تركي
ياراكب اللي مايداني الصفيري
هميلع من نقوة الهجن سرساح
امه نعامه واضربوها بعيري
وجا مغلطاني على خف وجناح
عليه خرج من سلوك الحريري
عصاه عود البروقه عقب ما فاح
يسرح من الطايف ويمسي البصيري
سفايفه مثل الغرابين طفاح
مزهبك يراعيه تمر ومضيري
واحذر تشب النار يجفل من الضاح
واليا ورد يشرب ثمانين بيري
غرافهن تسعين ود ليلهن ماح
رجليه بالحره وصد ره يسيري
ويشرب براسه من قعر جمة رماح
ياويش هو شي طويل قصيري
يسبق زعاجيل الهواء يوم تنداح
ورد عليه محمد بن قرمله يقول
ياتركي بن حميد وش ذا البعيري
ماتجلبونه كان تبغون الارباح
لا عاد له خف وجناح يطيري
انا اذكر الله كيف راعيه ماطاح
يربعنا يا كبر كذب الاميري
اقول ذا كذ ب على الناس فضاح
كيف النعامه نوخت للبعيري
ويا حلو كذب مروية علط الارماح
وسامحونا على القصور واذا في قلط ارجو التصحيح