كبتن عتيبة
سـلام ردَّيـه تُمْـرّ ومرّهـا مـرَّ السـحـاب=اللَّي صدور الناس من حبُّه تفيـض وتمتلـي!!
عسى حضورك يا علي..مثل المطر عقب الغياب=أُمَّا حضـوراً هكـذا..ولاَّ لا تحضـر ياعلـي!!
علي فلاح العضياني
يا مرحبا ترحيبةٍ يحسب لها الكبتن حسـاب=على سلوم أهل الكرم و الجود و المخرج ملي
ما ينقفل للشّرّ باب و ينفتـح للخيـر بـاب=إلاّ ليا جيتك و أنا طيّـب و حظّـي معتلـي
كبتن عتيبة
الليله أنتـه فاختبـار الشْعر..وسْـؤَال وجـواب=علّل,, ودلّل,, وأشرح الأبيات,,وأكمل مايلـي..!!
ماني بقايل ياعلي..لـن رحـت جعلـك للذهـاب=لن رحت ننحر لك جمل..وان جيت نذبح لك طلي!!
علي فلاح العضياني
إن كنت ابو زيد الهلالي ... معك إبن غانم ذياب=لا تحسب انّك فـارسٍ فالمعركـه مالـك حلـي
إن غبت عنكم صارت أيامك مثل لون الغـراب=و ان جيتكم كل الظـلام اللـي عليكـم ينجلـي
كبتن عتيبة
يافارس الفرّيس ياللّي لا تـذل ولا تهـاب=استسلم الليله لنـا والاّ نلقيـك الخلـي!!
ما ادوَّر الشلفا ليا حصَّلت مصقول النصاب=وأنت ابتليت ثبيت مير الله يعين المبتلي!!
علي فلاح العضياني
لا والله ألاّ حطّك الله بين ضرس و بين ناب=حيلك برد في ساعة الشدّه و كبدك تصطلـي
شمس الحقيقه ما حجبها لا غيوم و لا ضباب=صارت مثل ما قلت لك ما هي مثل ما قلت لي
كبتن عتيبة
يامبعد الجنّه عن الغاوين ياقرب العـذاب=مير أنت حدَّد منزلك قبل تحدَّد منزلـي!!
أنت مولّع فالحياه وصارت أحلامك سراب=لكن خلَّك فالمحاني والله الوالـي ولـي!!
علي فلاح العضياني
يا كبتن عتيبه ترى ما فيك زود عن الشباب=في كل ليل أقلقل الشعار فـي زيـت القلـي
من يحسن بدنيا يجزاه الله بحسن الثـواب=عملك في دنياك وشهو ؟ مالك و مال عملي
كبتن عتيبة
أثر جناح الصقر ماينعد مع جنـاح الذبـاب=حسب كلام صحيبنا اللّي داخل الزيت يغلي!!
شعر الدجيما سبَّب الكم يابني روق أكتئياب=تبكون لا اوحيتوا قصيدة(واوجودي ياهلي)
علي فلاح العضياني
تحذف ... بعد ما طحت فالطاسه و غثربت الشراب=على مـا قـال المالكـي و الشافعـي و الحنبلـي
لفّيت و انته تطرق الـ(200 ) و أحدثت إنقـلاب=عقلك خفيّف مثـل عقـل المنقـره شاعـر بلـي
كبتن عتيبة
الله يسامح من يحسب المخطيه مثل الصواب=يالشاعر اللّي عشت فالحرَّه وجدّك في حلي!!
كبرت وهانت ياوسيع المعرفه والقاف شاب=وهداج تيماء مانقص ياللَّي تميحون الدلي!!
علي فلاح العضياني
راع الخطا وش لون يبدا بالتشرّه و العتاب=هذاك جدّك و انته بناخيه ما هو جـدّ لـي
لا و الله ألاّ طاب فالك في هذاه الليل طاب=عليك شدّينا الحمولـه يالبعيـر الساحلـي