[سيحان]

هاتوا فرسنا يا معيلة الطراد ****** ما تستوي القاله بغير افعالها


تذكر ذلول(ن)عندكم وخذت عماد ****** يوم ان منديل الضحى يشتالها


نعم وانا اخوك هم اللي عليهم السالفه


وهي بدون ذكر التفاصيل ان واحد من السياحين غزا مع امير من امرا

الروقه ( والامير له الحق في انه ياخذ المارج او ابيض الدفه على

اتباعه) , السيحاني ذبح رجال من القوم فاخذ هذا الامير ذلول الرجال

بحجة انه الامير وله حق انه يعزل عليه

رفض السيحاني وقال انت منتب امير علي ولا لك حق في انك تعزل علي

الامير اخذ الذلول غصب وقال ابحددها قدام بيتي واشوف وش تسوي

انت وربعك .

السيحاني رجع لربعه وعلمهم وقاموا معه , وقال مندل ومنديل ردوا

الرياجيل عنا ونبا نشتال الذلول ( وكان يضرب بهم المثل في الضخامه)

شالوها لين جابوها وسط بيوت السياحين وكسروا الحديد عنها واخذها

راعيها.

بعد سنوات صارت نفس السالفه مع البراق ونفس الامير واخذ الفرس

اللي كسبها البراق فقال البراق البيتين اعلاه.


تحياتي فواز المزنكي