السلام عليكم ورحمة الله وبركاته
العذر والسموحه حدث خطا بالطباعه
ولذلك قمت بتعديل
تغيب الشمس تتركني واقلط ليلي القاسي
وودع يوم من عمري وانادي يومي الثاني
احط الهيل والدله واعصب للشقى راسي
لاني عارف ايامي فرح مجني وقهر جاني
وحيد وغربتي مره ولا حولي هلي وناسي
خذاني للقهر دهري تركني ولا بعد جاني
يقول اللي قرا شعري وقلب بيده كراسي
ليه شعرك دوم عاتم مابه افراح واماني
وليه كل اللي كتبته كله احزان ومــأسي؟
تبغي تعرف عن قصيدي والقهر واللي عناني
طيب اسمع يارفيقي قبل لاقول ولا تواسي
لاغديت هناك وحدي فى طريق اسود اناني
كيف بكتب للسعاده والقهر عمرى وساسي
من فقد حاجه وراحت كيف يعطيها لثاني
والخلاصه كيف بفرح والدمع فى عيني راسي
كم ترجيت القصايد تبتهج لو بس ثواني
لجل اخط ابيات فرحه واطا حزني فى مداسيي
واجتهد واكتب اماني تحمل اطياب المعاني
وارجع اختم ماكتبته فى دموع تزيد ياسي
يادهر كافي دخيلك خلني احيا زماني
مابقت فيني بقيه راح صبري ومات باسي
وشتبي مني تكلم قلي ليه همك بلاني
قلي وش سوت يديني قلي عذبني هـ جاسي
لوغلطت بيوم قلي الفكر طير جناني
قلي وشهو اللي جنيته يمكن اني كنت ناسي
سامحك ربي يادهري ثوبك الظالم كساني
وارتديته دون مانع لانه جاه منك مقاسي
ياحبيبي روح تكفى شرفلك عاشق مكاني
وشتبي بقارب تحطم ماله مينا ولا مراسي\
مالومك يوم ترحل والعمر مافييه ثاني
عيش عمرك ياغناتي واهجر اجزائي وحواسي
شفت زينك ياحبيبي اللي بين ايدك رماني؟؟
بكره بتلاقي بديلي يسعدك بعدي ويواسي
ولا انا جربه كسيره ما تمليها القناتي
لايهمك ياحياتي وهمي ومساسي
لاني عشت الضيق كله لين رافقته وخذاني
كحل عيونك يادهري في صباحك والتماسي
واللتمس سيات فعلك يوم حظي لك وازاني
وان لمحت بيوم فرحه صبت البهجه بكاسي
لاتخليها تطول واسكبه لامن دناني
استوت عندى المسائل واصبحت جمله سواسي
والفرح من يوم صغري لا رجيته ولا رجاني
يعني في كل المعاني الحزن فيني اساسي
كنه بحر القوافي ضافته الضيقه عشاني
وسلامتكم
ولاهان ناظركم