قصيدة الشاعر عبدالعزيز سعد نهار الحافي بمناسبة سلامة وشفاء سيدي خادم الحرمين الشريفين الملك عبدالله بن عبدالعزيز حفظة الله من العارض الصحي اللي تعرض له :
ياخادم البيتين لاباس لاباس
جعله طهور ذنوبك لو مالك ذنوب
اجر وطهور وعافيه ثوب ولباس
تلبسك ياصقر العروبة كم الثوب
الشعب من روحتك مدهش ومنحاس
يامحققن له كل لازم ومطلوب
حتى المرض تعطيه من جودك احساس
والله ماغيرك من الخلق محسوب
عليك سعبك ياخذ اخماس واسداس
ماطابله مطعم والا لذ مشروب
اعيون من غيبتك مامره نعاس
وراحت معاك عقول وكبود وقلوب
يابو اليتاما والارامل والياس
ويابو السعودية من الصوب للصوب
ياقايد الاسلام ياشامخ الراس
مواقفك يشهد لها كل منكوب
ياسيدي مالك محبة الناس
من وين ماوجهت محبوب محبوب
نطلب وندعي لك من شعور واحساس
ومن غير ابناء المملكة تدعي شعوب
ويالله يامنشي الحيا بعد اليباس
يامنجي ن ذنوب ومعوض ايوب
عود لنا بمعرب الجد والساس
ياعايد بيوسف على ابوه يعقوب
عسا يجي من شامخ الراس عساس
بشير للديوان مرسل ومندوب
وصلاة ربي عد ما نس نسناس
واعداد مايكتب على الكتب مكتوب
على النبي الهاشمي صفوت الناس
وعداد ماتشرق وماتغرب غروب