قصيدة شاعرنا المميز غالب الذيابي في شبيب العصيمي..من أجمل القصائد.
ياهل المعروف والراي المصيب =وصلوا قافي لمحمود الجناب
وصلوا مكتوبنا حضرة شبيب=واعقلوا عنده متاعيب الركاب
سمعوه إسناد هاقٍ فيه طيب=بدع قافٍ ما على وجهه حجاب
يالعصيمي ياعمى عين الحريب=كان ردت للسيوف وللحراب
لابةٍ خط المورخ وش يجيب =عن ظفرهم غير نبذه في كتاب
مجدهم في صفحة الهيلا عجيب=مهلكين الضد وخصوم الطلاب
طيبهم مقرون من فعل ونصيب=ومن يغيضه مجدهم ياكل تراب
والكلام يعود للشهم اللبيب=النداوي ستر تلعات الرقاب
خابره عند الحمية ما يغيب=حاضرٍ لاكبها غيره وغاب
راضعٍ جل الفعول مع الحليب=وانعقد حبله على فصل الخطاب
يا شبيب سنين والهقوة تخيب=عند أهل عرقوب يامال الذهاب
والمناصب والمراتب ماتثيب =ان فتحت قفولها تلقى سراب
| التوقيع |
|
التوقيع
محمد الذيابـــي |