سوولي الكيف وارهولي من الدلـه .......... البن الاشقر يداوي الراس فنجالـه
كيف لنا نحرقه بالنــار وانزلــه ........... وليـنقطع لو ورى صنعاء عنينالــه
البارحه الليل ماغمضت به كله ..............أراقب الصـبـح جالس واتحرى لـه
أبعث شريط مضى واطويه وافله............. واقـول من يحفظ التاريخ لجيالـه
قل للعراقي يفتش جعبته قلـــه............ يلقابها شي مـايطري عـلىبـالــه
الهـم والغـم والطاعون والـعـلــه........... حــقه لحـاله كـفايــه حــقـه لحـاله
من صفعت ذاقها بانت به الخله ........... يذكر هزيمة شهر شـعبان وهلاله
قام الثعل يشتغل ويشاغل الشله ......... عزت وطارق وعد عدي وامثاله
يذبح ويصلخ يده حمراء ومبتله ......... شي يخلي جبين الـحـر ينـدى لـــه
ياناس ياويل من هذا زعيـم لـه ......... الشعب في وضع يوسفـله ويرثالــه
شعب شرب كره واكل كره كرهله ........... يتـفل على صـورته ويدوس تمثالــه
تبت يدا بو لهب تب وتــبـللــه ............. واللي معـه بالحطب للقـوم حـمالــه
مقبل على طبخة بالحيل تعمله ............ يوخـذ به الثـار والثوره تسوى لـه
حتى نسيبه ولد خالــه تحيلــه......... لغـم لــه الهيلــوكبتر ونشدوا خــاله
الله مايهــمل الظالــم ويــمــهلـــه............. وان طال به عمراخس شوي وارداله
الحكم منهار والاحزاب منحلــه ............. ماخـس من حـالـة فيهـا ولاحـالــه
من ردي حظه في اهل بيته يزوله ...........صار الشجر قوم في عيونه يورى له
من كثر مايرتميه يخاف من ظله............ ومن يـعلم الغيب لو عـدي قتـالــه
صدام أنابنشدك ويش أنت حي له ..........مـثلك بغبنـه يموت وموته أشـوالـه
ما عاد تملك من السلطه خبر للـه ........... خارج عن السيطره دولتك منزالـه
جمع عظامك سوات مجمع الجله ............ واحرق بها مادرى بغداد برجالـه
الجيش يرزح تحت ذل من الذله ............ والشعب مسكين تضحكله وتغتالـه
وذاعتك ياسويد الوجه من شله ............. مـاعـنـدك الا يا لالـه يـا لا لا لا لــه
ايبله أسمعك زين ايبله ايبلـــه............. ولـيا تبـيـن عــدو بنـا وحـنـا لــه
ماتدري انا نعقد الحبل ونحله ............بالعســر واليــسر حلالــه وفتالـــه
انعسف الصعب ثم يجيك مزين دله................ اديب مايـشتكي عـرقوب جمالـــه
مانقتنع بالهجــاد نصبح الحلــه ............. مع الغطــاليــس رجليــه وخيـالــه
والدار ماهيــب ياصدام محتلــه ............ مااستعمرت قبل حكم العود وعيالــه
واليوم عنها نسن السيف ونسله .......... من شط واخطاالطريق نصلح احواله
والفهد تخسى عنه ماانت بقبيل له ...........وطى برجله على غـاربك بنـعالــه
ماانته بكفوه ولاشرواك كفو له......... الفهد يكرم عن المشبوه واشـكالــه
الفهد عز العرب والعرب عز له ............... وكم دوله تستغيث المال من ماله
العادل العدل والاسلام شرع له ............ ولبيعه المسلمين البيعه اولى له
ولا انت مهزوم لامذهب ولامله ................. مقطع اربع تطيح بكل محبالــه
مما مضلك تخدع الشعب وتضله ..............مفسد ويدعى عليك وفهد يدعى له
وين انت ياللي له العذرا تكحل له.......... يقوم لــعيونـها وتــشــوم لفعالــه
من طيب ابوها تبي وصفه حلي له............. يقلط على شوبه البارود بظلالــه
ابيــك في لازم قــدك وقد لــّـه ............ قمر عربسات يــبرالك وتبرالــه
امر ضروري وخلك مستعد له ..............مانته مراسل تجي وتروح برساله
عندك مهمه وقلبك مابرد غله............... جدول مسيرك تعرف العام مدهاله
اركب على اللي قنابلها ملى السله .......... بمكبرا ت الصور في الجو جوالــه
اخــذ المدرج وتل بريكها تلـــه ........ واخفق بها خفقه الكدري لمــقيالـه
انحربها خاين النهرين وافطن له ............لاذكر بالخير في حله وتـرحــالـه
حدد مكانه بتلسكوب وانزل له.............انزل رويــدا رويــدا واكبـس الآله
حربيــــة عـــــاديه ســـــودا تـــسلـلـه..........تسللت من جهة عمان وجبالــه
جاته من الغرب عبر أجواء صديق له .......... تحمل على متنها حزنه وسلاله
ترسم هدفها على الليزر وترسل له ..........إشارة الضبط والمضرب تهيالـه
ماتحــملــه ترفعــه مترين واتهله .........مع ذرة الشمس في قصره تحمى لــه
تعطيه ضــربه تدك القبو بالفلــه.........والشر فاله وفـال الله ولافالـــه
من شدة الانفجار أقول بسملـــه............تهتز الاهواز والبصره بزلزالــه
في سبع الارض تحفرله وتدفن له .........من تحت الانقاض والانقاذ ما شالـه
ياخذ سنه يلتهب قبوه كما المله......يذوب صنقل الســاعه وسلـسالــه
ثم خل غيره يشوف ويعتبر خله ...... واللي يبي مثلها بالحال تــثنالــه
الضعف ماحطه الطيب سبــيـــلله............زدقيل من لايعيل تجيــــه عيالــــه
الشاعر اللواء / خلف بن هذال بن سمران العتيبي