العلم / حمدان العصيمي
سلامي سلامٍ يعزل الماء عن الطين=يصفىّ لمن عد الـروى ماصفالـه
ولاياشبيب أنته مع أي الفريقيـن=مع اللي جنوب الحي وألا شمالـه
المبدع /شبيب الزراقي
هلا من ضميرا يعرف الزين والشين=وطيـب المعانـي مايـدور بدالـه
انا موقفي معروف والكـل داريـن=ولا أضيع الرفقـه وحـق الزمالـه
العلم / حمدان العصيمي
وضوح الرسايل من وضوح العناوين=يابوصافي العنوان نـص الرسالـه
للا الدمع والابصار وش قيمة العين=لكن أنصتوا وألا أحكمـوا بالعدالـه
المبدع / شبيب الزراقي
انا شايفك بلشان مابين الاثنين=وكل الدعاوي تعتبرها سهالـه
زرعتو حديقه للغنم والبعارين=ومن شافها يختار يقعد لحالـه
العلم / حمدان العصيمي
وألا ياجماعتنا تراكـم عزيزيـن=شربتوا من الفنجال قبل البيالـه
زرعنا لك الرمان والخوخ والتين=وضيعت مفهوم الوفا والجمالـه
المبدع / شبيب الزراقي
تركم جماعتنا وبالحيل غالين=ومشروبنا بالطيب في كل قاله
كلاما تقوله مابداله براهيـن=ولاينفع الختال كثر الختالـه
العلم / حمدان العصيمي
أبو زيد يسعى لختلال الموازيـن=وهذا مصير الواقع اللي سعالـه
فزعتوا على دربه وجيتوا معيفين=عساكم تجيبون الرشا والمحالـه
المبدع / شبيب الزراقي
ياحمدان تمشي عكس ويسار ويمين=للاني منعتك صرت تحـت الكفالـه
انا طول عمري ماتبعـت المقفيـن=لكن انت حطك واحدا مـن عيالـه
العلم / حمدان العصيمي
نظام الكفالة يشمل الهنـد والصيـن=وانا لي مع اهل العز قاله وطالـه
ولا ياغراب البين صبرك على البين=دخلت القفص لو كان مالك ومالـه
المبدع / شبيب الزراقي
على وين ياحمدان رايح على وين =تركت الذهب واخترت سعر البقاله
انا صقر الي مخلاب حر وجناحين=ولاهو غلط لو تكتب الاستقاله
| التوقيع |
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
::
ديواني من إعداد الزميل/ عمر الدغيلبي ... بيض الله وجهه |