السلام عليكم
الإخوه الأعزاء أعضاء وزوار منتدى الهيلا أضع بين أيديكم وأمام أعينكم هذه المتواضعه
بعد طول غياب والتي جاءت على عجل وتعبر عن وضع معين في وقت معين وأتمنى أن
تروق لأنظاركم في طريقها إلى قلوبكم وأسماع غيركم .
ياصاحبي لو كل مايطري على بالك يصيب =ويصير شي واقعي تصبح حياتك مذهله
لكن أنا بعطيك علم عن فؤادك لا يغيب =ابحث عن أصل المشكله قبل تحل المشكله
لا تنزعج مما حصل وتقول عيب وشق جيب =بكره تشوف أكثر و أكثر فالليال المقبله
هذا قليل من كثير وما على الدنيا غريب =في وقتنا الحاضر نواجه كل ساعه معضله
بس المصيبه والبلا والمشكله وأمر عجيب =قوم تسموى بالمرجل ماتعرف المرجله
ما نيب أعم الكل قصدي بعض قشران النصيب =اللي يحسبون المراجل باليدين مسلسله
قوم مراجلهم مثل شمس العصر قبل المغيب =تنزل ويتبعها الظلام وبالبراد الها صله
وبعض الرجال انا لقيته ماله من إسمه نصيب =مثل البخيل اللي يشيل المال مايستعمله
رجال بالأسما والأسما ماتزيد الرجل طيب= ألا ليا من زادها الرجال من طيب عمله
وبعض الرجال انا لقيته يلبس ثياب الصحيب =وفي داخله حقد دفين أكبر من جبال جبله
والمعذره يا صاحبي ما عاد بالدنيا غريب =ما دام فيه أزوال ماتعرف سلوم المرجله