أول كـلامـي لا الـــه الا الله=رب البريـة خـالـق الأكـوانـي
يقول ابـن ثعلـي وهـاذي هديّتـه=هديتـي وأصلـي لهـا تبيـانـي
يانـاشـدٍ عـنّـي ولا تعرفـنـي=يكفيـك ماتسمـع مـن العنوانـي
أصلـي عتيبـيٍ عريـبٍ ساسـه=علـى ماقـال بديـوي الوقدانـي
يقولـهـا راع المـثـل قـدامـي=خيـار الدلايـل جـرة الفرسانـي
ربعي عتيبـه عـز منهـم ربعـه=ليا كظّـم البرطـم علـى النيبانـي
أعلـى قراياهـا الحجـاز علوهـا=وأسفـل منازلهـم ليـا الصمانـي
دولة هل العوجـا تحـت رايتهـم=سابق ولاحق من علـى الجدانـي
واليـوم قايدنـا العديـم الفيصـل=فيصل وفيصل حيـزب الرحمانـي
فيصل ولا فيصـل يسمـى غيـره=ضـد الضديـد مفـرق الخلانـي
لو الضديد مـن الحديـد ضلوعـه=ياطى على صلب الحديـد ولانـي
هو سيفنـا الباسـل وهـو رايتنـا=هو قصرنا الثابت على السيسانـي
ساسه على التوحيد والراي والضفر=والشرع وأحكامـه هـي البيبانـي
ولـد عديـمٍ ناجبـه مـن راسـه=مرحـوم ياهـاك العديـم الفانـي
عبدالعـزيـز الله يبـسّـط خــدّه=في روضة الجنه عسـاه أجنانـي
وعقّـب لنـا سربـة عيـالٍ مثلـه=والكل فيصـل والجميـع أخوانـي
من لابةٍ من ذخـره ابـوه وجـده=الاد مقـرن كلهـم مـن دانــي
تكاتفـوا فيـهـا بـشـد أبنـاهـا=ليـن استقـام السـاس والبنيانـي
والملـك واحـد والسعـد بيـد الله=الله يساعدهـم عـلـى الخـوانـي
ما تصفـق اليمنـا بـلا يسراهـا=ولايرتفـع طـيـرٍ بلاجنحـانـي
انـا اشهـد إنـا نفتخـر بملوكنـا=والله واللـي نــزل الفرقـانـي
حيـث أنهـم حكـم العدالـه فينـا=حكم العـدال وشوكـة الميزانـي
يـا عطفهـم يالطفهـم بضعوفنـا=نصر الضعيف ومتعـة الجيعانـي
واليا عوى ذيـبٍ لذيـب وحـاول=وردّ البـرى وأحتكـت العيدانـي
نلطم بهـم وجـه المعـادي عنّـا=كل ابلجٍ يصهل صهيـل أحصانـي
ينصون عنّـا المشكـلات الهامـه=ولهـم فعـولٍ ماضيـه برهـانـي
ولهـم تـاريـخ جـديـد ودارس=ولهـم بتاريـخ القـلـم ديـوانـي
حكامنـا مـنـا وحـنـا منـهـم=والكل في حكمـة عظيـم الشانـي
وهمّـه قوايدنـا وضـد أعـدانـا=وحنّا الصفوف وعسكـر الميدانـي
صفّوا صمود الراي دون أوطانهـم=عليـه مـن يـم الضديـد أمانـي
أوطانـنـا ياطامعـيـنٍ فـيـهـا=الهـا حـدود تحتـم الأوطـانـي
الحد مـن يـم الجنـوب الغربـي=تسعين كيلـو مـن ورى جيزانـي
والحد من يـم الجنـوب الشرقـي=لهـا الخليـج العربـي حـدانـي
منهـا الوديعـه حدنـا ونعـرفـه=وكـل يعرفـه لازمـى الغلطانـي
لنـا بتاريـخ الـزمـان السـابـق=ويبقـى بتاريخـه علـى ماكانـي
ومن شرق من حد الكويت وغرب=ومن الشمال الحـد مـن عمّانـي
هـاذي حـدود المملكـه ياجاهـل=يشعر بها فـي السـر والاعلانـي
يفهم بهـا القلـب اللبيـب الفاهـم=ويدري بهـا الصمـان والعميانـي
وحنا وراها مـن يمنهـا وشامهـا=واللي تهاون فـي الحـدود يهانـي
فيهـا مـن القـوات ماحاميـهـا=بـإيـرادة الله ثــم بالشجعـانـي
نـدرب الشبّـان ضــدٍ لمثلـهـم = ونقـابـل الشيـبـان بالشيبـانـي
ونجهـز القـوات ضـدٍ لغيرهـا=ونقـابـل النـيـران بالنيـرانـي
ونقابـل المسـوي بسـوء اعمالـه=ونقابـل الاحسـان بالاحسـانـي
يامـا لطمنـا دونهـا مـن عايـل=ليـا نزغتـه نزغـة الشيطـانـي
يـومٍ يجـي منـا وضـد أعدانـ=يغضب ابليس ويرضي الرحمانـي
مـن ذاق ضربتنـا النهـار الاول=والله ليقنـع فـي النهـار الثانـي
كم ساعـةٍ رفـرف علمنـا فيهـ=مستبشـرٍ بالنصـر والبهجـانـي
الله خلقنـا الهـا ومنهـا وفيـهـا=وحنا لهـا عـن ميلـة العدوانـي
جيـشٍ وقيـادة تـروسٍ جـنـوده=اللي لهـم حمـر البـدال اكفانـي
يـروس قيـادة شبـول ابطـالـه=مـن راي عبـدالله ليـا سلطانـي
عيال الملوك اللي علـى ديـن الله=هدامـة الاصـنـام والاوثـانـي
حنا علـى ديـن الرسـول محمـد=دستورنـا التوحـيـد والايمـانـي
وصفوة قريش اللي نزل بالطاعـه=نـزل عليـه الوحـي والقرانـي
هـذا وصلـى الله عليـه وسـلـم=افضل صلاتي وافضل الرضوانـي
يا بادي المرقاب لاتعتلي فيه = مادام قلبك دالهاً عن عذابه
حول وخله للشقاوي يعديه = على نحاء قلبه يكسر حسابه
فيما يرد قلبه مصيبه المخطيه = والله عليم به خطاه او صوابه
يالله يامن كل عين تراعيه = يامن فتح لمدور الخير بابه
يافاتح باب الفرج وانت راعيه = ماحال دونه واحد بالنيابه
يامن مفاتيح الفرج بين اياديه = وليادعاه امدور الخير اثابه
افرج لمن همه على الناس كاميه= يرده ويصدر منه ما احد درابه
والنوم ثلث امن اول الليل يكفيه = يكفيه ثلث امن اوله عن عقابه
او ثلثين منه الثلث الاول او تاليه = ياخذ على الجنبين كل اقتلابه
ما ميد قلبي يافهد من مواشيه = رزقه على رب العباد اعتنابه
رزقه على غذاى الايتام منطيه= يجيبه الله مايجيى بالنهابه
لكن مثلك مايبا من يؤصيه = حزبك لياكل وقف في حزابه
رفبقك الطيب معه لاتخليه = عينك على عينه ودابك الدابه
الحر حر اوماكره من مجانيه = ويرجع المجنا ماكره وانتسابه
واليوم لو انك تهده او تدعيه = مدعاء الصقور اقصاه لابك ولابه
والقصر لو زخرفت عالى مبانيه= مايعتمد بنيه وساسه خرابه
رجع لغيرك لو عيونك تراعيه = خله يروح اليا تقافا سحابه
خله يروح ولو يرق لك حواشيه = خيره لغيرك مالك الا عذابه
والخصم لولك لان بأول دعاويه = لا تأمنه ياخذ عليك انقلابه
خله بعيد عنك والحق يخفيه = والحق سيف المن يجود نصابه
وليا نويت المنهج الدرب تمشيه = اعزم على درب الخطر لا تهابه
واحذر من الدرب الخطر يوم تعطيه = حذرك معاه والله على ما نوايه
الدرب دائم ماتخليه افاعيه = أما ذياب الدرب ولا كلابــــه
والذيب أو عضة الذيب تشفيه = والكلب كلب أو دسعته بالقرابه[
ختامها بأول كلامي أو تاليه = ذكر النبي سيد البشر والصحابه