ياعين مالك ومال اللي مقفيني= طرد المقفين مايقضي لنا حاجه
تلقين غيره من الخفرات ياعيني = شخصنٍ يتم الوصل والود بمواجه
شخصنٍ يجيني وأنا اجيله ويغليني = وعلاج قلب الذي ماياجد علاجه
شخصيته بارزة بين المزاييني = مثل القمر طلته في عالي أبراجه
حلونً كلامه يعالجني ويشفيني = وليا بغيته لقيته كل ما حتاجه
ضحكة حجاجه تغادر بي وتحييني = أموت واحيا حياه بضحكة حجاجه
عينه عيون الوحش والرمش والعيني = فيها سهوم المنايا الحمر وهاجه
نابية الأرداف وسهيفت ذراعييني = لكزز وخلفيته لكن رجّاجه
والوسط ملهوف كنه صكة إيديني = والساق مدموج والوركين منعاجه
طويلة العنق من قومً حشيميني = ماهيب مكروهتن في السوق دواجه
هذه مناتي وهذه اللي تسليني = بلسم جروح المحب وبلسم اخلاجه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|