[الخل الوفي]

هذه القصيدة من الشاعر الكبير / محمد بن سند الغزلي قالها في الانتخابات البلدية عندما كان احد الاخوة ينخى بني عمه ويقول لهم تكفون تكفون وكان يحثهم على التصويت ويخبرهم بقرب موعد اقتراب الترشيح وذلك في مقر المرشح / عبدالله بن مفلح العتيبي في الدائره الاولى والذي يحمل الرقم ( 1 ) وفي الدائره رقم ( 1 ) ويوم الاقتراع 1/1/1426هـ

[

يقول ابو نادر على العز تكفون = تكفون ياللابه ترى الوقت حاني
تكفون ثم تكفون تكفون تكفون = وتكفون والله راس روح المعاني
ينخى بني عمي على ما يحبون = ويجاوبه رد الصدى بنخواني
عز الله أني في نخاويه ممنون = تكفون ياللابه ترى العمر فاني
وين الشباب اللي كما رايح مزون = يسقون غيث قلوبنا بالتهاني
لا جاء نهار فيه رابح ومغبون = نصير في أحلى ما عتلى من مكاني
ونبني لنا مجد على مجد مصيون = عن لافح الذاري رفيع المباني
يوم أنها غارات وحروب وأكيون = نقلط على الموت الحمر بعدياني
واليوم في عز تسامى عن الهون = بالعلم وازكى طيبات المثاني
وعسى يتم لفازع الصبر عربون = فوز العزيز بحزة الامتحاني
وتعانق الأفراح والناس يدرون = ونحط بخيام الفرح مهرجاني
وصلوا على محمد ثلاثين مليون = ثم استعينوا بالله المستعاني