السلام عليكم ورحمة الله وبركاته
بسم البقوم العزوه اللـي كلهـا مـن رأس جـد=سهوم المنايـا ، تعـرف بتاريخهـا وأنسابهـا
في وقتنا اللي فات واليـوم وبعـد وإلـى الأبـد=الطايلات اللي علـى وضـح النقـا طلنـا بهـا
سـلام يالهيـلا عتيبـه عـد ماحـن الـرعـد=ياجمـرة الدنيـا يـانـار الـعـز يامشهابـهـا
أعظم قبيلـه فالجزيـره مـن يضاهيهـا عـدد؟=أمتانهـا صـوب الحجـاز وهاهنـا مخلابـهـا
عتيبـه الكبـرى تجمـع مؤتمـرهـا وإنعـقـد=لمزايـن البـل وإجتمـاع أحبابهـا وأصحابهـا
إرجالٍ من أكبر شايب مخضرم إلين أصغـر ولـد=على بياض الوجـه والنخـوه تطـول أشنابهـا
ياعتيبـه الهيـلا لكـم فالقمـه العليـا وعــد=القمـه اللـي قاصـر النـظـرات مايرقابـهـا
لاوالله التاريـخ عنـد امجادكـم قــام وقـعـد=غصبٍ على خشمـه يسجـل سِفرهـا وكتابهـا
وأثنـي تحياتـي علـى كـل القبائـل والبـلـد=دارٍ تشرفنـا وحنـا بالـوفـاء عشـنـا بـهـا
دار الرخـى والعـز والأمجـاد مملكـة الأسـد=عبـد الله اللـي قـام حظـه والعهـود أوفابهـا
الراس عبد الله وشعـب المملكـه مثـل الجسـد=وسلطان أبـو خالـد ذراهـا سترهـا وحجابهـا
الله يعـزك ياوطنـا مانـطـاوع فـيـك أحــد=حنـا جنـودك فاللـزوم وخدمتـك فزنـا بـهـا
والفتنه اللي جت من أبـواب الجهالـه والحسـد=طاحت على الصم الرواسـي وإنكسـر مشعابهـا
ياناشدٍ عنا ترى اللي شـاف غيـر اللـي نشـد=حنا الأطبـاء للجـروح اللـي تضيـع أطبابهـا
اليا سقط قلـب الذليـل وخـف عقلـه وإرتعـد=نارد على حـوض المنايـا مانحسـب حسابهـا
ليا حميت خشوم الرصاص ودندن الرمي وركـد=أرواحنـا دون الـبـلاد الطـاهـره نفدابـهـا
حنا على العدوان مثل النـار لا إشتبـت وأشـد=أصغر سعودي لاإلتـوى باكبـر مهمـه جابهـا
الله يثبتنـا علـى التقـوى وحسـن المعتـقـد=ويحفـظ بـلادٍ ماتليـق المكـرمـات إلا بـهـا
أرض الحرم والله مايوجـد مثلهـا فالكـون أبـد=دارٍ ليـا غبنـا وجينـاهـا نـحـب ترابـهـا
نزرع بها طيب وشهاميه ومـن يـزرع حصـد=ونذلـل أعداهـا ونِلبسـهـا جـديـد ثيابـهـا
مزيونـةٍ غنـا لهـا طيـر السعـاده والسـعـد=مـن واجـه الأحـداث دون الـدار يتهنـا بهـا
ياللـي تعـد أزهارهـا وأثمارهـا مـاذا تـعـد=ألـم تـرى إن السعوديـه تفـوح أطيابـهـا ؟
والحمـد لله الـذي دايــم علـيـه المعتـمـد=حنـا بنعمـه والمشـاكـل قافلـيـن أبوابـهـا
تمـت يأيهـا الكـرام وقيـل مـن جـدّ وجـد=طبيت فـي شِـرد المعانـي وإنتقيـت عذابهـا
الشعر هاجوسٍ دعاه الشـوق واعطـاه الوعـد=يصنـع سلالـم للصعـود ويرتقـي بأسبابـهـا
ولاكل من جاب المناظيم وعلـى المنبـر صعـد=يلقى القبول ويطـرب النـاس ويثيـر إعجابهـا
ولاكل من قال ، إسمعو ياصـف ، حـلال العقـد=بعض الرجال ، إضرِب ووش يدريه عن مضرابها
والشاعـر اللـي مايهـز الشعـر لامنـه قصـد=عليـه شرهـات العقـول ونقدهـا وعتابـهـا
يرتـاح لايتعـب ولايخسـر ولايـبـذل جـهـد=ولايشـغـل السـاحـه وتبـلابـه ولايبلابـهـا
ونقول لشاعر فيصل الرياحي
صح لسانك وما عليك زود أنت وقبيلتك سهوم المنايا