الهيـــــــــــــلا *** منتدى قبيلة عتيبة - عرض مشاركة واحدة - ديوان الشاعر الكبير/عبدربه عتيق العازمي

((علاك الله وامانة ياقصيدي))

((والله اني كل ماقلت...))

((الصمت حكمة))

((ياصاحبي طول غيابك))

ياصاحبي طوَّل غيابك والسهر والنوح طال=وأنا على شوفك وقربك يابعد روحي شفيق
زودٍ على هجرك وبعدك وانقطاع الاتصال=والحظ الأقشر والظروف اللي لها عييت أطيق
من دونك اللي تسقي الدم الحمر عطشا السلال=في ماقفٍ ما ينعرف فيه العدو من الصديق
ليا ذكرت افعولهم قررت عنك الإعتزال=وليا سهيت أقول أزورك لو أولعها حريق
حطوك في عيني حرامٍ وأنت أحلّْ من الحلال=وخلوني أشكّك بعهدك وأنت أبو عهدٍ وثيق
وأصبحت في بحر الروابع عايمٍ طول الليال=ربع المية يمكن نجيت وباقي المية غريق
تلعب بي أسرار الرجاوي والمناوي والآمال=بين الحقيقة والخيال أزريت يالمجمول أفيق
ماغير أهوجس وأنتظر شوفتك ياعنق الغزال=مثل انتظار اللي سكن غزة لخارطة الطريق!
وش قيمة النفس الشقية كان شوفي لك محال؟=أنا أشهد إن العيش من دونك كذيّا مايليق
ياراس مال اللي ماعنده في حياته راس مال=ياحسنة اللي مات ماله لا عيال ولا شقيق
كني ملكت أموال وأرصدة الوليد بن طلال!=دامك عشيقٍ لي وأنا لك ياهوى بالي عشيق
ياعين حرٍّ ماكره فـ أعلى شواهيق الجبال=درة بحر مسكانها في غبة الموج الغميق
ماقلّبت في لاهب الكنة ولا جت فـ الرمال=ولا بيّعت فـ أطراف سوق الحب والا فـ السويق
ماهي من القطم القصار ولا النعانيع الطوال=العود ناعم لا متين ولا عريض ولا دقيق
وباقي وصايفها تعجز من كتب فيها وقال=الزين كبتن والعذارا كلهن عنده فريق
وإن كان ما الله جابها بالسلم والا بالقتال=أبا أنتحر ثم قولوا الله يرحمك يابو عتيق

((ياصاحبي خربت الصحبة كلام وكاد))

((كل ماجيت اتوب امن المحبة واهون))

((ياهل الوفاء والجميل مطوعين الصعاب))