مطلق الثبيتي مع عبد الله المسعودي
مــــــــــــطــلــــق الـــثــــبــــيــــتـــي
سرا الليل وابا أكلف القـاف تكليـف=تـرا القـاف ماكـل بفكـره يحوفـه
ورحلة شتانا عودت رحلـة الصيـف=وانا أشوف أبو سفيان حـرش كفونـه
عبدالله الـــمــــــســـــعـــــــــــــودي
ليا جوهل الطيب رجـال المعاريـف=دروب الرجال أهل الجميل أمعروفـه
لياصرت ميت ما أحسن الموت بالسيف=تيسر ومـا يكتـب لـك الله تشوفـه
مــــــــــــطــلــــق الـــثــــبــــيــــتـــي
يقولون راعي مصر عنـده تصانيـف=ليا ماحضـر فاللعـب قـوم صفوفـه
ومن هو يصلي في صلاته غطاريـف=صلاة المنافـق مـا عليهـا حسوفـه
عبدالله الـــمــــــســـــعـــــــــــــودي
تشوفون نصف الدرب ياأهل الكشاشيف=وفاالنصف الاخر شوكتيـن أمعكوفـه
وحنا ليا جا عندنا الطرقـي الضيـف=نعشيـه واحنـا مـا فتشنـا ظروفـه
مــــــــــــطــلــــق الـــثــــبــــيــــتـــي
تحومون فوق الزاد مثـل الخطاطيـف=وكـل عيونـه نابتـه فـي كتـوفـه
عسى الله يكافيكم سهـوم الصواديـف=ياأهل موتـر مانـي مصنفـر بلوفـه
عبدالله الـــمــــــســـــعـــــــــــــودي
تنـادي وانـت مشـتـاق للكـيـف=وأبو صوف عيا ينشب المـا بصوفـه
ليا كان ودك فانـت رجـال حريـف=كما الناعم اللـي مـا يخلـي حفوفـه
مــــحـــاورة مـــــطـــــلــــق الـــثـــبــيــتـــــي
مـــــــع عــــبــد الله الـــمــــطــــرفــــي
مـــــطـــــلــــق الـــثـــبــيــتـــــي
سلام الله سلام ينشط البال=عدد وبلآ سرى برقه يلوحي
ترى صف السعدعشرين رجال=والوانه نقص زادت جروحي
عـــــبــد الله الـــمـــــطــــرفـــــي
هلا يامرحبا تاريخ وافعال=تراحيبآ بها قلبي ينوحي
نبى نمشي سوى لو السفر طال=وقبل الصبح والله ماتروحي
مـــــطـــــلــــق الـــثـــبــيــتـــــي
غريب الدار ماله فيه منزال=يعود لد ديار ام الطلوحي
صبرنا لين زانت كل الاحوال=لكن اسمع كلامي كان توحي
عـــــبــد الله الـــمـــــطــــرفـــــي
عيال الخال بين العم والخال=ولااخذو شي من عند الشحوحي
تعاين للبروق ايمين و شمال=واحد يضحك واحد قلبه ينوحي
مـــــطـــــلــــق الـــثـــبــيــتـــــي
اشوف الحبل له ناقض وفتال=وقدرآ فوق شعلتهم يفوحي
تصدق كل غشاشآ ومحتال=ولايلقى غبوق ولا صبوحي
عـــــبــد الله الـــمـــــطــــرفـــــي
عقدت الحبل ميرالصدق حلال=ولاجبت الصحيح امع المزوحي
نصحتك عن كلام القيل والقال=لكنك ماتسمع في النصوحي
مـــــطـــــلــــق الـــثـــبــيــتـــــي
ترى الضيقه عليكم سيلها سال=وطى روس الجبال امع السفوحي
تبعد قبل راس الضلع ينهال=ويكسر قرن ابو قرنآ نطوحي
مــــحـــاورة مــــطـــلـــق الـــثـــبـــيـــتـــــي
مـــــــع شــلـــيـــويـح الــمـــطـــيــري
مــــــطـــــــلــــــق الـــــثــــبـــيـــتـــــــي
سلام الله على من جابنا ذكره ومرسوله=عدد نو المزون اللي لها نوٍ ورعادي
شليويح المطيري يوم شفته غرني زوله=واثره الشجره اللي عرقها سابح مع الوادي
شــــلـــــيـــــويــــح الــــمـــــطــــيـــــري
هلا يامرحبا ترحيب نبدي فيه ونقوله=نيابة عن مطير الحاظره و آلاد عبادي
شليويح المطيري ماشيٍ فالدرب بنعوله=ولا احط القدم حافي لعل الدرب ينقادي
مــــــطـــــــلــــــق الـــــثــــبـــيـــتـــــــي
الا يازينها لو تصبح البيبان مقفوله=وتمسي يالمطيري من ورا البصره وبغدادي
ياراعي الشله اللي عن عيال الخير معزوله=بعد سويتها فينا يبي لك حرب وجهادي
شــــلـــــيـــــويــــح الــــمـــــطــــيـــــري
عرفت الغازكم والغازكم من عصر محلوله=كلامك فالمسجل لاتشغل موجة الرادي
انا لي شلةٍ في دربها ماهي بمشلوله=بعدها يالثبيتي لاتحرك كورة النادي
مــــــطـــــــلــــــق الـــــثــــبـــيـــتـــــــي
ابربي حراميٍ يشيل التمر بحثوله=نما من عادته مايسرق الا تمر الاجوادي
ابوكم ماتسنع وامكم قشرى ومهبوله=ليا ميزتها من قشرها ماعاد تزدادي
شــــلـــــيـــــويــــح الــــمـــــطــــيـــــري
علام الحضرمي قدام جيرانه كفا فوله=يعقّب دلته ويجيب للضيفان برادي
انا امي صاحيه وامك من الايام مشغوله=ولاتسمع كلام امك نهار تصيح وتنادي
مــــــطـــــــلــــــق الـــــثــــبـــيـــتـــــــي
زعل راعي الونيت وضاع له عشرين صاموله=ويوم انه زعل واليا الفرامل سلكها غادي
حبال الخير بين الناس ممدوده وموصوله=ولاتقدر تغيرها ليا شفت القمر بادي
شــــلـــــيـــــويــــح الــــمـــــطــــيـــــري
اقص الجره اللي من زمان العام مدهوله=واثر طبع الحرامي يختلف عن طبع الاجوادي
انا خابرك تثني كان نار الحرب مشعوله=لكن اليوم عان القوم لك في كل مرصادي
مــــــطـــــــلــــــق الـــــثــــبـــيـــتـــــــي
رموشك يالمطيري من دموع العام مبلوله=نبا نشبعك في شعبان ونجمدك في جمادي
ليا شفنا الغناوي كل يوم يقل محصوله=قطعنا عنه نسناس الهوى والشرب والزادي
شــــلـــــيـــــويــــح الــــمـــــطــــيـــــري
ليا حمرت عينك عندنا بالكحل مكحوله=وانا بشب ناري كان شفت القدر ماجادي
انا ماني بشعره من عجينة خبل منسوله=انا دكتورها حتى نداوي كل الاكبادي
مــــــطـــــــلــــــق الـــــثــــبـــيـــتـــــــي
الا ياموترٍ حطوا له الشاصين مدبوله=لكنه لامشى في الدرب من ممشاه متحادي
انا اعرف القلوب اللي من الاوهام مدخوله=اجيب إلها الدواء مير الدواء والطب مافادي
شــــلـــــيـــــويــــح الــــمـــــطــــيـــــري
انا بنشدك عن هاك الونيت إصحيح منهوله=بعد ماحوّل السواق ركبه غض الانهادي
وانا ماني بماشي غير مع سكه ومدهوله=لكنك قص دربك يالعتيبي وانصح الغادي
مــــــطـــــــلــــــق الـــــثــــبـــيـــتـــــــي
شليويح المطيري مدوخ العربان بطبوله=وياليته مع الغزي وجنب عزيز البادي
والا يازين زول الشيخ والذرعان مفتوله=لكنه يطوف ويستعي فالشعب وجيادي
شــــلـــــيـــــويــــح الــــمـــــطــــيـــــري
تغيّر صاحبي يوم السواري وقعت حوله=سلامه يالثبيتي وابشر انك واصل المادي
ليا زعل الثبيتي من زمان العام قولوا له=نبا نكسيه من سوق الرجال ثيابٍ جدادي