مطلق الثبيتي مع عبد الله المسعودي
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
سلامي علـى اهـل الحلـه اليلهـا شانٍ(ن)رفيـع=وحنـا نجيهـا فـي ليـال الـفـرح ونـرودهـا
لياجيت في سـوق التجـاره لابـد اشـرى وبيـع=ولا اكفاء حياض العد مـن يـو شفـت اورودهـا
عـــــــــــــــبـــــــــــــد الـــــلـــــه الـــــــمـــــــســـــعــــــــــودي
هلا مرحبا ترحيب يضفـي علـى روس الجميـع=سوات الدوى لا قلوب بعـض العـرب وكبودهـا
كبار السوالف وايقـت كـل ضلـع وكـل ريـع=وعيـال الحـلال اليـا محـل الحيـاه اتقـودهـا
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
بغيتـك تسافـر يـم لنـدن شـتـا ولا ربـيـع=وشوفك ما تسلى مـن جبال(ن)تصيـح اقرودهـا
تـرا للـي سواتـك يطعـم العلـم لابـده يطيـع=ليـا جـات درجتهـا تسـاوت علـى عبرودهـا
عـــــــــــــــبـــــــــــــد الـــــلـــــه الـــــــمـــــــســـــعــــــــــودي
له ايـام والكبسـول تقـرع علـى جنبـه قريـع=يبـا يستحـل ابـلاد صنعـا بكثـر ازيـودهـا
انـا عـارف(ن) السمـن طيـب ولا كنـه يميـع=يديـن تغمـس فيـه بيسـل فــوق ازنـودهـا
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
يضيع العماء والـي عيونـه سليمـه مـا يضيـع=ولا ينقـل الـي فـي نحرهـا نشـب عبرودهـا
ونا مـا جبـرت الـي تـدرق ورا سـد الوشيـع=الـف الجنـازه فـي كفنـهـا وارز الحـودهـا
عـــــــــــــــبـــــــــــــد الـــــلـــــه الـــــــمـــــــســـــعــــــــــودي
من الي يـدور للبـن بعـد شهـر مـن الضريـع=وش الـي يصيـده بعـد يـوزي فمـه بديودهـا
تـرا المقبـره حمـرا وغبـرا وحلـم الله وسيـع=عسى تشرب الشجـره وتحيـا ويخضـر عودهـا
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
لوانـك تغمـض نـص ساعـه يسبعـك السبيـع=وتخدمـك ظبـاط السـريـه وكــل اجنـودهـا
لكنـك تعلـمـت الكـاعـه وسـمـوك الكـيـع=تبا الشيـخ يقبـل دعـوت(ن) مالقيـت اشهودهـا
عـــــــــــــــبـــــــــــــد الـــــلـــــه الـــــــمـــــــســـــعــــــــــودي
بعض قوم لا تصنع ولا تعتـرف بمـر الصنيـع=عرب غافلـه تقـرع علـى القافلـه بـا شنودهـا
ولا يـا معلـم خيرمانتـه متـيـن ولا رفـيـع=تباتبلـغ الخنـقـه وتـوبـه مـعـاد اتعـودهـا
مــــحـــاورة مــطـــلــق الـــثـــبـــيـــتي مــــــــع شـــلـــيــــويــح الــمـــطـــيـــري
مـــطـــــلـــق الـــثـــبـــيـــتـــي
يا المطيري جيتنـا ثـم فرقـت الجماعـه=قمت ترسل فالسواليف لين ادوخت راسـي
لو تريّض لي وتسمع علومي ربـع ساعـه=كان ابعطيك الذهب صايغه بفصوص ماسي
شـــلـــيــــويـــــح الــــمــــــطــــــيــــــري
المطيري مـا يخـون الأمانـه والوداعـه=لا تغيرك الروابـع وخـل القلـب راسـي
لو يجوع الذيب فالبر مـا ياكـل ذراعـه=بيننـا رفقـه وعلـمٍ نقيسـه بالقيـاسـي
مـــطـــــلـــق الـــثـــبـــيـــتـــي
كل ما لديّت فيّـه يصيـب القلـب راعـه=وأثر خشمك هضبةٍ ما يواسيهـا المواسـي
جيشكم ما عاد نعرف هجومه مـن دفاعـه=كل جنديٍ يـدوس لـه دربٍ مـا يداسـي
شـــلـــيــــويـــــح الــــمــــــطــــــيــــــري
يا ثبيتي ليت عندك عـن الحمـى مناعـه=الطعـام اللـي تلـوّث يبيـن بالتبـاسـي
المذيع اللـي يسولـف بنشـرات الاذاعـه=مرتكي له جوف غرفه ولا عنده كراسـي
مـــطـــــلـــق الـــثـــبـــيـــتـــي
ترضع الخلفه لحالك وطغتـك الرضاعـه=باتت الأجواد واما أنت جاي لك حساسـي
كل هندي فوق شط البحر بانـي شراعـه=صار شاطر مثلكم فالصـرام وفالدياسـي
شـــلـــيــــويـــــح الــــمــــــطــــــيــــــري
درّها في جوف بطنك ولا عقبك طماعـه=تشرب الطاسه لحالك وحاديـك الحماسـي
وأنت رجلٍ شافعي مير ضيعـت الشفاعـه=لو قلنا ناسي الدين وأنك مـا انـت ناسـي
مـــطـــــلـــق الـــثـــبـــيـــتـــي
مانبي يا قوم من سوقكـم شريـه وباعـه=لو بسطنا بالذهب عندكـم يرجـع نحاسـي
يالخزاعي طيع شوري وعود مع خزاعـه=قبل تصحي بك عيونٍ مطاولهـا النعاسـي
مــحــاورة مـــطــلــق الـــثــبــيـــتـــي مــــــع عــبــد الله الـــمـــســعـــودي
عــبــد الله الــــــمـــســـعـــودي
هلا مرحبا يامسهلا واكثر التــــــرحيب=وانا من هل الديرة ولاني بها منكور
أباخذ علوم الطرقي اللي يجي ويغيب=لعله بعد عيش الـــــبداوة طلع دكتور
مــــطـــــلـــق الـــثـــبـــيـــتـــــي
يدوم البقاء ياذيب ياللي زهمت الذيب=عيونك كهارب نور والوجه فوقه نور
تدور الليال وتابع المقفيـــــات يشيب=وفاح البحر ياصاحبي واغرق البابور
عــبــد الله الــــــمـــســـعـــودي
ابا انشدك ياللي دارس الطب والتطبيب=أخير الدهر ولا هل الوادي المخضور
يقول البديوي جاء على شبرة التلبيب=واخذ لقمة جرت وكـــرت مع الحنجور
مــــطـــــلـــق الـــثـــبـــيـــتـــــي
أخير الدهر للي مصخن وفاضي جيب=ونبت الحياء للي يرد الورود صدور
انا ماعرف القصة ولاني بعـــالم غيب=وانا عارف الجنة مرابي بنات الحور
عــبــد الله الــــــمـــســـعـــودي
طلبت الله اللي طالبه ماهقيت يخيب=مادام انه ادخل راعي الجيب والزبزور
علامك تلد العين ياراعي التـــهذيب=وانا لو يطول الليل ماقلتلــــك معذور
مــــطـــــلـــق الـــثـــبـــيـــتـــــي
ترا الرزق ماله لانظـــــام ولا ترتيب=الأرزاق زهبــة مدفع(ن) كل صبح يثور
مـحــاورة بـيـن مـطـلـق الـثـبـيتي وصـيـاف الـحـربــي
مـــــطـــلـــق الــــثـــبـــيـــتــــــي
ابتعبك ياصياف وارتاح يامستور=بهز الحريبي لين يهتز ميزانه
ولا أبغاه يبقى ضابطاً فأول الطابور=وميدان فيه الحرب ماهو ميدانه
صــــــيـــاف الـــحـــربــــــــــــي
ولا ياعذابك يالثبيتي سنه واشهور=لاكن الدهر يضرب براسه وكرعانه
أشوفك تغني فا المسارح وأنا مقهور=ياليت المغني في يدي واقطع السانه
مـــــطـــلـــق الــــثـــبـــيـــتــــــي
الي بيرق عالي وطول الدهر منصور=وانا ماشريت البندق الا على شانه
ليا شفت لي واحد عوج صنعت الباكور=اخليه يجلس مع حريمه ورعانه
صــــــيـــاف الـــحـــربــــــــــــي
انا عارف انك تحمل البندق المعمور=ولاكن اليا هاحين يطلبك ديانه
ترانا ليا جينا الجبل ماتطير طيور=مغار الطوير الي يرفرف بجنحانه
مـــــطـــلـــق الــــثـــبـــيـــتــــــي
أخليه في الميناء واسافر على البابور=ابو عكة ماهي من السمن مليانه
يدور الفلك لين الليالي عليك اتدور=ويطلع عليك الفارس بشلفاه واحصانه
صــــــيـــاف الـــحـــربــــــــــــي
على نيتك تمشي يامنهي ويامامور=ويالطرقي العجلان الايام عجلانه
انا عارف انك عقرب مده الطنقور=تدور على على المسلم تبى مسكة السانه
مـــــطـــلـــق الــــثـــبـــيـــتــــــي
عسى الله يقطع شوفة الذيب ابو حنجور=عيونه لها مده من الدمع غرقانه
لياليك ماهي كلهنه فرح وسرور=تدور اليالي فوق ضينك ورعيانه
صــــــيـــاف الـــحـــربــــــــــــي
لو انك غريب ابلا وطن قلت لك ماجور=لاكنك سعودي عند ورده وريحانه
الا ياكثر ما تهرج الناس ظلم وزور=يسبون في ا لتاجر علشان دكانه