أنا ثقيل وطيبتي ما جحدها=يكود شخص من مزاياي مغتاض
عدود الغرام بعيد للي وردها=والظاميه ياصاحبي تكسر الحاض
والناس فدروب الهوى وش قردها=ماهيب دايم تاجد ورود وفياض
ياكثر ما عانو وذاقو عقدها=مير الحظيظ اللي من الغير يعتاض
يامل عين طولت عن سعدها=عنها لذيذ النوم هدد بالاعراض
والنفس جاها حزنها في وعدها=على الذي خده كما البرق نواض
يوم انها أقفت واشرت لي بيدها=وقالت مشينا تزهم السايق رياض
ياحرقة المشتاق وامر وادها=اليا ذكرت الموقف اسج واهتاض
هي عاهدتني كيف تنقض عهدها=وتبدلن عهودها اليوم بانقاض
بغيت ادورها وادور وددها=وقالو لي ان الظاميه تكسر الحاض
آمل ان تنال استحسان المنتدى ومرتاديه
محمد الوافــــي
| التوقيع |
|
التوقيع
محمد الذيابـــي |