بسم الله الرحمن الرحيم
من قلبآ يعصره الألم ويحرقه الحزن على وفاة الصديق والزميل الوافي
الشاعر/ فيصل بن منصور الرياحي البقمي
تغمده الله برحمته الواسعة
أتقدم بأحر التعازي لأسرة الفقيد وعلى رأسهم
الأخ / بدر بن فيصل الرياحي
وإخوانه والاسرة جميعآ والى عموم قبيلة البقوم عامة
والى جميع الزملأ والأصدقاء ومحبين فيصل الرياحي وزملاؤنا الشعراء في عموم
أنحاء المملكة العربية السعودية. راجين من الله عز وجل أن يرحم الفقيد برحمته
الواسعة وان يسكنه فسيح جناته وان يلهم ذويه الصبر والسلوان
وإنا لله وإنا إليه راجعون:
وهذه قصيدة بعنوان
( لقاء الجنه إن شاءالله )
يابدر مقدر يا أبن الأمجـاد أعزيـك=من لاهبآ(ن) بالنار يصـلا حشايـه
الله علـى جـور الليالـي يقويـك=وانـا يقوينـي ويجبـر عـزايـه
إن مات فيصل نعرف إن العوض فيك=لكـن مـوت إلـى نحبـه جانيـه
يا فيصل الى مت ما مـات طاريـك=وان كان مـوت الغانميـن النهايـه
لو للفداء يامـا مـن أرواح تفديـك=ومهما حزنـا مـا نشوفـه كفايـه
اقل شي اذكـر مـا ثـرك وارثيـك=وان كان شعري ما يترجـم بكايـه
ياما من جموعـاً تعـزك وتغليـك=والعـز يبقـى للمشاهيـر غـايـه
ياما فعلـت مـن الجمايـل بياديـك=وياما رفعت لصروح الأمجاد رايـه
علـى المكـارم ماتغيـر مبـاديـك=الطيـب والتقديـر عنـدك هوايـه
يعرف مراسيم الوفا مـن يخاويـك=رمـز الشهامـة والأدب والدرايـه
لو طالـت الأيـام مانـي بناسيـك=يا عـز صدقانـي وياغـلا عزايـه
يالله عسـى بجنـة الخلـد يأويـك=ويضفي عليك المغفـرة والرعايـه
ويجبر عزا ربعك ويالطـف بهاليـك=ويلهمهم الله الصبـر ويـا الهدايـه
المجـد يافيصـل يعـزك ويكسيـك=اقولها بالصـدق مـا هـي دعايـه
الله يرحمـك ويجيـرك ويحمـيـك=ويدخلـك جناتـه ويقبـل رجايـه
حقك علينـا كـل لحضـه نحييـك=تحيةٍ(ن)فيهـا مـن الرحمـة اًيـه
واليوم من ودعـك بكـره يلاقيـك=يـا عـل بالجنـة لقـاك ولقايـه
شاعر الهيلا وشاعر المصيف الأول
الشاعر / محمد سعيد الذويبي العتيبي
الأربعاء 10/01/1430هـ ) 07/ يناير /2009 آخر تعديل أبوعمـــر!!! يوم 08-Jan-2009 في 11:23 AM.