الأخ البتار الغبيوي
أشهد بالله إنك ماقصرت ومجهودك تشكر عليه
هنا ملتقى لأبناء القبيله يعرفون من خلاله بعضهم البعض كما يعرفون أسماء الهجر والمحافظات التابعه لها
ماكنت أتوقع أن منطقة القصيم يتبع لها هذا العدد من الهجر لقبيلة عتيبه
بيض الله وجهك يالبتار
متى يربع نجد واختار لي ثلاثه او أربعه شرواك ونتجول في روابيه ونتعرف على ربعنا ونعرفهم بأنفسنا
غلبت علينا المدنيه والوظايف والسفريات خارج المملكه
لازم نكسر حاجز الروتين ونسأل ونطرق الباب كما يقال
كما أتمنى من ربعنا في نجد .السؤال عن ربعهم في الحجاز .والمثل يقول . من سأل إستدل
خاصةً محافظة الطائف ومكه المكرمه
يقول الشاعر
يابخت من درهمت به فرخة الحره=معطٍ مزاليج واللا معطٍ الجودي
مفارق الهاجري ومفارق المرَه=لوكان ماجا من الأجواد منقودي
ربعي عتيبه.من العارض إلى الحره=سقم المعادي ليا جا العلم مردودي
.(الحره)
على طريق جده المدينه
ذباحة الحايل.لطامة العايل
من سأل وعرَف على نفسه يبشر بالشبب والعلم الغانم
أخوي البتار
قمت بالواجب وأكثر . أهم شيء معرفة الهجر وعلينا جميعاً تجاوز أخطاء بسيطه على سبيل المثال لمن تعود الهجره الفلانيه أو الهجره الفلانيه . تعووووووووود لعتيبه
روقي وبرقاوي على حدٍ سواء
تحياتي