الهيـــــــــــــلا *** منتدى قبيلة عتيبة - عرض مشاركة واحدة - الفلته ( نسب , ديار , فرسان ومشاهير , مرابط الخيل)

نايف عريب الجد · 10-Aug-2010, 05:06 PM

اقتباس:

المشاركة الأصلية كتبت بواسطة السويلم 2

وقال الشاعر بدر الهبـيري من قبيلة حرب في مدح أحد أبناء الفلته وذكر موقفهم القديم من جارهم :

الله يبارك فيك يانسل الاحرار... من خاطر ٍ معكم تزايد سروره

ياللي لكم بالصدر منزل ومقدار... ومعكم يشع القلب بالجوف نوره

ياهل العلوم اللي بها مااقدر اختار... وان جيت اعددها ماهي بمحصوره

انتم هل المعروف حماية الجار... ولـْـكم دروب العز دوم امعبوره

شاهدكم الله يرحمه ذاك ابا الحار...محسن له التاريخ تشهد سطوره

مع جاره الحربي وقف ماقف البار...وامسى مع العربان وافي شبوره

قال البل امسن دونها قحص المهار...ونفوس ربع ٍ للملاقى جسوره

آلاد فليت يوم ان عج الرمك ثار...معهم سلاح ٍ في مناشه خطوره

حما حقوق الجار وارخص بالاعمار...مع ربعه اللي بالزمان امخبوره

نركز للآد نفيع بيضا بالاقطار...ولاخير في نفس ٍ ماهي بالشكوره

ومن لاشكر خلق الله النافع الضار...ماشاكرالله والدروب امعموره

صح لسان الشاعر بدر الهبـيري وبيض الله وجهه ماقال الا الحق والفلته والنفعه كفو كفو ويستاهلون المدايح وعلى راسهم الشيخ محسن ابا الحار المذكور بالقصيده وموقفه المشهود