هذه القصيدة مهداة الى الشيخ :فيصل بن عبدالعزيز بن وطبان الدويش
سلام ياطير السعد طير حوران=ياللي على روس المراقيب عالي
اعداد من غنى القصايد والالحان=واعداد من يشرب قراح زلالي
يامير ياللي في المواقف كحيلان=امعرب مابين جد وخالي
فيصل ولد عبدالعزيز بن وطبان=من روس ربع يحتمون التوالي
دوشان والدوشان معروف فرسان=يوم المعارك في قديم الليالي
مطران وان ركبوا على الخيل شجعان=يوم القبايل بين مر وحالي
رجالهم قد خضب السيف شامان=مابه اجدال اقول مابه اجدالي
يامير ينصونك شباب وشيبان=وينصاك من هو فوقه الحمل مالي
ويروح مستانس بعد جاك زعلان=ترسي كماترسي اطوال الجبالي
لك فزعه تعرف ولك موقف بان=غرب وجنوب وشرق والا شمالي
الضيف يلقى حيل واذناب خرفان=وفي مجلسك يامير صفر الدلالي
اقولها محسب ترى فلان وفلان=اللي على بيبان بيته ايلالي
هذا كلام الصدق من قلب ولسان=في كل مجلس لاطرالك مجالي
فيصل وفيصل فيصل العز بطران=لعل راسك مايجيه الزوالي
وصلاة ربي للنبي نسل عدنان=المصطفى اللي كل نهجه عدالي
الشاعر :بدر بن حمدان بن رازن