[محمد الذيابـــي]

إهداء الى سعادة العقيد ماجد بن صقر الغبيوي لقاء مايبذله لأبناء قبيلته من جهود مشهودة وهذه مشاعر صادقه نحوه.


هواجس الشعر ترزم مثل رزم الرعود
بين الحنايا لها صولات صبح وعصر

واليوم سميت بسم الله واخذت الوعود
من هاجس لابدا اللازم يجيب الدرر

ماني باقابل معاريف العرب بالجحود
اللي معاريفهم تطلع سوات الثمر

شاعر وجتني بيوت الشعر مثل الوفود
شعر تلاطم بحوره مثل لطم البحر

سلام تسليمة بالصدق ترقى سنود
واخص فيها العقيد الركن ماجد صقر

من معدن صافي من قبل عاد وثمود
الاد غابي مقابيس الوغى والسطر

قدام مرسى الامان ودولة ابن سعود
اللي عليها المطارق ماعيها خطر

بامان رب الخلايق ثم امان الاسود
ومن دونها يستميت الرجل موت حمر

قبيلة مجدها في كل عام يزود
بسلوم الاجداد والتاريخ عنده خبر

والشاهد الله وخلق الله لقولي شهود
فزعاتهم للرفيق اشبه بوبل المطر

والا انت يامقدم الهيلا عريب الجدود
لا جا مجالك تضيف النا طراه وفخر

طاريك عز الصديق وغار منه الحسود
اللي عن الطيب والماجوب حظه قصر

عقيد رتبه وراي وكل علم امحمود
يجري بشريان دمك ياطويل العمر

ماجد ووقفتك يالروقي علاج الكبود
يامزبن اللي من حظوظ الليال انعثر

ماكل واحد نجيه ولانجي للجحود
نجي هل الكايده شرواك يابن صقر



وسلامتكم,,,,

التوقيع

التوقيع محمد الذيابـــي