[سعود العصيمي]

المشاركة الأصلية كتبت بواسطة فايز بن سرحان الثبيتي

هذه القصيده قدمتها في احتفال ابناء قبيلتي المراوحة الثبته وعلى رأسهم الشيخ نايف بن مليحان وفقه الله

بسلامة خادم الحرمين الشريفين الملك عبدالله بن عبدالعزيز

على شرف الشيخ عبدالله بن عمر بن ربيعان وبرعاية اعلاميه من قناة الساحة

كان ذالك يوم الخميس 27\8\1432 هـ

ابتدي بســـــــــــم الله الرحمن والهقوه كبيره = مبتديها بالسلام ورحمــــــــــــــــة الله وبركاته
احتزم ياهاجسي من عرف واقدح من بصيره =دون وجهي كل مايطري على خــــــاطرك هاته
خابرك مانته مضريني على مــــــــده قصيره = الوكاد انك تذر الكحـــــــــــل في عيون الشماته
في نـــــهار لن تعــــــدى مايعوض فيه غيره = من تعذر دون ميقافه يعـــــــــــــــود مع خواته
مرحبــا بضيوفنا اللــــي شرفوا من كل ديره = مرحبا ترحيبة ٍ قبل يجينا الضيف جــــــــــــــاته
باسمي ارحب بهذا الحفــل واضيوفه واميره = وباسم نايف بن مليحان اثني الترحيب ذاتــــــه
مرحبــا باسم الرجال اللي لهم فالمـجد سيره = عزوة الاد المروح محــــــــــــزم ثبيت وعصاته
فعلـــــــهم قانون يوم السيـف مايالف جفيره = يوم فقر العبـــــــــد في ساعه وفي ساعه غناته
المواقــف ثابته ولا الليالي متســـــــــــــديره = ثابتين ويشهــــــــــــــــد التاريخ وتسجل رواته
نحمـــد الله يوم شع النــور في شبه الجزيره = وانقشع عنا ظــــــــــــــلام الليل وانشقت عباته
يوم وحــــدها معزي بالسيوف اللي شـطيره = الله انه يرحمه فالناس ياكثر حســـــــــــــــــناته
وانهجوا بعده عياله نهجه وساروا مســـيره = قبلهم كم شيخ قوم موته اطيب مــــــــــن حياته
سيـــــــدي ياخادم البيتين ياصاف الســريره = ياسمي الجــــــــــود ياوجه الكرم يا أنبل صفاته
المخايل في قدومك سيلها يطرب هـديـــــره = اروت الحزم البراح وقدت الضلــــــــع وحصاته
مابقى للخوف قلب ٍ يسكنه ويدق زيــــــــره = ولا بقى للجوع غير اللي يكفر سيــــــــــــــــئاته
بعد جاء للفقــــــــر من خلى يدينه فالجبيره = واليتيم اللي من اول مايبات الليل باتــــــــــــــــه
يحتفل بك شعبك اللي بايعك واعلن مصيره = يوم باقيت الشعــــــــــوب الها على الظلم التفاته
والله انا مايغيرنا الزمــــــــــــن شره وخيره = والله انا درعكم في وجــــــــه الارهـاب ودعاته
لو نسوق ارواحنا من دونكم ماهــي كثيره = الوطـــــــــــــــــــــن هـــذا وطنا كلنا وانتم ولاته
ماسمحنا للعمـــــــى في دربنا يشعب بعيره = وان رماه الله فقــــــــــــــــــد قدر علاه الله وفاته
خاب ظن الجاهل اللــي خان مبداه وضميره = يحسبنه يقــــــــــــــــدر ايزعزع ولانا في قنــاته
مادرى انا دون حــــدان الوطن نار وذخيره = سود الله وجهه ووجه الذي ســـــــــــوى سواته

والله وتسعين نعم بالقبيله
والشاعر وشعره

ابو ريان مااقوول غير صح لساااانك
وبيض الله وجهك على هذه القصيده

وسجل اعجاااااااااااااااابي

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.