30-Mar-2009, 10:14 PM
|
رقم المشاركة : 195
|
 معلومات
العضو |
|
|
إحصائية
العضو |
|
|
|
العازمي
الخيال اللي هبوب الشرق للمغرب تسوقه=بعْد مالاحت بروقه قام يطريلي طواري!!
والجذع سلطان لو دمه مشا داخل عروقه=ماركز مشعاب بقعا في معاليق السواري!!
سلطان الجذع
لاتصدق في خيال الصيف وتخايل بروقـه=كل ماينشي سحابه شالته هوج الذواري !!
الجذع سلطان ماضيّع مع اصحابه حقوقـه=صمته الحكمه ومنطوقه مثل حد الشباري !!
العازمي
ادلهمّ المزن والديره تعيّن فـي صدوقـه=فالسما ودنا البحر قرّب بعيدات الهواري!!
النخيل اللي تلوّى فيـه تمـره ماتذوقـه=تنضج التمره وياكلها رفيقلّـك مبـاري!!
سلطان الجذع
ليت لي رجلٍ على غير القدا دايم سبوقة = كان اعبر مايكن الصدر وارد اعتباري !!
ليه داب الغار ماخيّطت بالمخيط شدوقه = وانت من غاره تشوفه مع ظلام الليل ساري !!
العازمي
كان مالك يابيض الشارب على الشدات طوقه = دون بيبان الشجاعه فيه بابٍ للطواري!!
اعترضله واحدٍ ذوقه على ماظن ذوقه=بعد ماقطّع شدوقه مايدل الا المواري!!
سلطان الجذع
المصيبة فالبعير اللي شـداده مـال فوقـة=يوم تسعى له ويصدر فأمره الامر الوزاري
اعترض له واحدٍ عهد الحميـه مايبوقـه=احتزم يوم انت خلف الباب وتهل العباري
العازمي
البعير اللي يشيـل الحمـل ماشـيٍّ يعوقـه=وان مشا لاتزعجونه بالصياح وبالبـواري!!
هيّنه ,,ياهون مشي الموس في روس محلوقه=فالدعاو الكايده منته بلاقـي عـم غـاري!!
سلطان الجـذع
الاكيد انه مثل راعيه مازانت وفوقه = لو تدّور باعته ماجاله من الناس شاري
لاتمش الدول والطبخة على النار محروقة = ويش قال لك البحر مستور في زيد المطاري
العازمي
الجمل شقران عن غيره كثيراتٍ فروقه=مايطب السوق قطّاع الفيافي بالمساري!!
الجذع خلاّ صبوحه عمد مع حزة غبوقه=كل مابرّد غليص اللقمه آكلها مكـاري!!
سلطان الجذع
يالعتيبي ماتعرف المر لين انك تذوقـه !!!=تجري الايام وتعلمـك دامـك ماانـت داري
ان ضواك الصبح صحت لربعنا برقا وروقه=وان ضواك الليل ماتسري مع سباع الغداري
| التوقيع |
قرأت فيما قرأته من بلوغ المرام .,
اللي ترك شيء لله ( عاضه الله بخير ) .,
.,
استغفر الله العظيم , و أتوب إليه ‘. |
|
|
|
|