بسم الله الرحمن الرحيم
من لايشكر الناس لا يشكر الله هذه ابيات متواضعه كتبتها في رجل يستحق دواوين ولا توفيه حقا
هو سعد بن مسعود بن غالي العطاوي وبناخيه شباب بن زايد ,,,,
وهي عباره عن رد ثنا لان لهم معروف على والدي اطال الله بعمره لايقدر بثمن ولا يجزى مهما صار
يستاهل البيضا ويستاهل الطيب=ويستاهل الهيل الخضر من دلاله
شباب بن زايد عطيب المضاريب=تنشرله البيضا وتنشر لخاله
يوم ارتكى للحمل والحمل قد هيب=حقق هدف راس كسبله جماله
اللي بغى سواه غصب بلا طيب=وذي عادة الطيب عسى الطيب فاله
والطيب ما يو خذ بضرب المشاعيب=وهبه من اللي ما تقطع احباله
والنعم مكسب من اخيار المكاسيب=وانا اشهد انه ما يجي بالسهاله
حيد منيف وعسر مرقاه وصعيب=صعب على من لا عناله مناله
وسعد ولد مسعود ذيب ولد ذيب=حاز النعم والنعم شام القباله
يرهي على الطاله حصان الاطاليب=يوم غيره مشتقى للشكاله
راع الكرم والجود ستر الخراعيب=طلق الحجاج اللي بشوش قباله
زبن الدخيل ومن حدته التسابيب=ومن شاف من وقته جفوه لجاله
يفداه من ضيع حقوق الاصاحيب= مضيع حقوق الجار جعله فداله
اللي بلا مروه ولا يعرف العيب=اهل الحسد والحقد واهل النذاله
اللى على حوض الرديه جناديب=ضعاف النفوس قليل الرجاله
والا ولد مسعود موف المواجيب =نو يعم الارض صادق خياله
يستاهلون المدح فعالة الطيب=ويستاهلون البن الاشقر فواله
ويستاهلون الحايل ام الاعاصيب=ويستاهلون العود الازرق كماله
وختامها يا علم السر والغيب=طالبك ابن مسعود طول لياله
وصلاة ربي عد نبت الاداعيب=على رسول مرسل بالرساله
وسلامتكم