نعم لقد حل ذئبا من السباع الضواريء ضيفا على عتيبه الهيلا
وقد مسكه احد العتبان واحضره في شبك الى مخيم الشيخ الكريم بدر الضيط، فامر الشيخ بدر ان يقدم له مساء كل يوم خروفا لكي يتعشاه
معيدا للتاريخ ولشيم العرب قصة معشي الذيب الشيخ مكازي بن سعيد العلياني الشمري.
وساوافيكم بصور الذيب في مخيم الشيخ الضيط
وقصيدة الشاعر الذي امسكه حيا واحضره الى ابو بندر
وليست غريبه على اهل عمهوج المواقف المميزه ،
وعندما رايت الذيب قبل ان اعرف قصته قلت لاحد شباب العضيان مازحا بداخلي لكن بنبره جاده ظاهريا اعطوني عمهوج لاقتل به هذا الذئب لان السيف عمهوج قتل به من الذئاب البشريه العشرات تلو العشرات
وانا اريد ان اقتل به هذا الذئب المفترس، فرد علي هذا الشاب الطيب ان هذا الذئب ضيف عندنا وكل ليلة نعشيه خروفا.
لله دركم ياعتيبه جينات اهل السنان والعنان ذباحة الحايل لطامة العائل
لا زالت تستنسخ نفسها بين القبيله .
والشيخ الضيط له وقفة اخرى مع الكرم وسرعة المبادره ستذكر في حينها ضمن موضوع قادم باذن الله ( رجال ومواقف من عتيبه في مزاين الهيلا )
[size=5][color=#0000FF] اخواني ان ما اخرني عن انزال الصور هو كونها على فيديو
حيث تم التصوير من كاميرا فيديو وتعبت كثيرا من اول الليل وانا احاول استخراج الصور من الفيلم
الطيب تعرف خوته مع هل الطيب=له خوة تروى وقصه طريفه
وسموا علاه منزحين الاجانيب=علم موكد والحقايق منيفه
وكم من شجيع والسوالف مهاذيب=قالوا هذا ذيبان والا وصيفه
ومعاهدك ياذيب بالسر والغيب=انك بامان وخل نفسك خفيفه
حنا ترى ياذيب عند المعازيب=حكام نجد اللي بلدهم امريفه
اترك علوم مشيلين المشاعيب=مايحتم الميقاف ناس اضعيفه
جبتك لحفل مكملين المواجيب=ساس الصخى يوم الليالي كسيفه
في محفل الهيلا لعوج العراقيب=مضيفهم وان حط كل مضيفه
مهديك للي يحتمون المطاليب=للضيط بدر ولا لحقني حسيفه
ملجألمن جاله ظروف وعواقيب=واللي حداه الوقت عيده وريفه
تراه راع السيف والماقف اصعيب=ياذيب ابوبندر وعمهوج سيفه
لياقنبت بعالي الصوت ياذيب=كنه قنيبك يوم يوصف وحيفه
سيف الشيوخ معطبين المضاريب=من كف اهل عمهوج كنه قذيفه
مروين حد مصقلات المحاديب=فوق الاصايل بالسيوف الرهيفه
لاطار ستر مخبيات الرعابيب=في ساعتن فيها المنايا مخيفه
كم ليلة عشوك من شمخ النيب=صم الرمك وملاوحات السفيفه
وكم راس شيخن في الليال المعاطيب=عشوك راس الشيخ والا رديفه
من دون وضحا لبسوها دباديب=كسب لهم يوم السنين العجيفه
مالي هدف والحق ماعنه تجنيب=شهادة التاريخ فوق الصحيفه
بينت معنى القاف فوق المكاتيب=الشعر معنى والمراجل كليفه
وحمض النشاما بصامل العلم ومصيب=وعلم بلا معناه ماله خليفه
 |
|
 |
|
الشاعر/ طلال فيحان صقر جسار الدلبحي |
|
 |
|
 |