عرض مشاركة واحدة
قديم 04-Oct-2020, 05:49 PM رقم المشاركة : 30
معلومات العضو
خالد السيحاني
عضو نشيط
إحصائية العضو





التوقيت


خالد السيحاني غير متواجد حالياً

افتراضي تابع من رجالات السياحين

هو /محمد بن غضيان بن ساير بن عدوس بن مسلم بن زميم السيحاني
كان رحمه الله من كبار شعراء قبيلة السياحين، وهو شاعر نظم ومحاورة ومن أبياته :

‏امشي مع الظفران وانا ولد روق
‏وباقي البشر معهم قطعت العلاقة
‏.
‏والحر حر وماكره راس شاهوق
‏والبوم بوم ومسكنه في طباقه
ولديه العديد من القصايد.
هذه القصيده قالها في الشاعر الكبير /احمد بن ناصر الشايع


اباتكلم صدق من قلب صافي
في شاعر كلن يحبه ويغليه
راع السوالف والمعاني النظافي
كساب قولة نعم لاحل طاريه
انا اشهد انه يارياجيل وافي
ساس الشهامه والكرم كلها فيه
يفرح ليا جاله مسير ولافي
وأبوه ناصر بالرجوله موصيه
حط الوصيه في دماغ السنافي
والحر نسل الحر يطلع على ابيه
لاصار عقل وطيب فيه متصافي
ماينجحد طيب رفع راس راعيه
وانكان جات فزوع مامن عوافي
الآد زايد سلمها ماتخليه
وان صاح صياح عسى الله يكافي
كل ابلج في الضيق تسمع عزاويه
وباق القبايل بالسيوف الرفاهي
كلن على وضح النقى دون عانيه
واليوم ساد الامن والخير ضافي
في حكم أبوفيصل عسى الله يناجيه
يحيى المليك اللي فعوله تشافي
آمين جعل الله يحقق مســــــــاعيه
رجل الحلال وياخذ الحق وافي
ومن خالف السنه حشى مايراعيه
والله مايرضى علينا الخلافي
كل البلاد بعز تشمخ مبانيه
وهمه زرانا فالسنسن العجافي
امارة بالخير والشر تنهيه
الشكر لله مالحقنا جفافي
الشعب ينعم والحكومه تغذيه
وبعض العرب مسكين بالنوم غافي
يكفا القدح بيداه شلن اياديه
يابو محمد كان للسقم شافي
مال للمريض الا طبيب يداويه
وانته خبير فاهم بالقوافي
والعرف مايعرض على غير اهاليه
واعداد من يسعى بمكه وطافي
صلوا على المبعوث وامشو مماشيه

وله ايضا:
ودي اخبر صاحبي عما طرالي
مار مدري وشّ مردوده عليه
عن علوم فالضمير اول وتالي
قمت ازايمها كبر هضية طميه
والدروب مسكره ياهم لاالي
وين ابلقى من يحلون القضيه
كان زالت وانتهت يرتاح بالي
وان تعكّر جوها صرت الضحيه
لو تعالج بالذهب والا الريالي
ما طلبت فزوع والدنيا رخيه
ليتها تطلب طلب من حر مالي
كان اسوق المال كله مقدريه
مار حاجه معجزة ثقل الجبالي
عالم باسرارها رب البر يه
اشتكي لله واطرحله سؤالي
يطلق المسجون ويسمحّ له نويه
ضاق صدري من محرمة الحلالي
واسقط الاسلام عنف الجاهليه
صاحبي عنقه كما عنق الغزالي
ادعج العنين وين القى حليه
اشهد انه مطلبي زين القبالي
مار بعض البدو فيهم عنصريه
قلت يالطف الحشا مالك ومالي
ذبحة المسلم تراها اكبر جنيه
قالت اخذ العلم رح دور بدالي
بيني وبينك يحولون الدنيه
وذقت ممّا حسني مرٍ وحالي
رحت في ديره وراحوا في نحيه
كان جوي يالظهير ما صفالي
من سببها مخطرا ميه بميه
ياعدو القوم يا زبن التوالي
شمر الذرعان يا زبن الونيه
حزب العيرات مومية الحبالي
معتلين اكوارها والشمس حيه
زين درهام النظا مع جو خالي
في فياضن ريحها ينفع عذيه
خمس واربع بس مقدار الليالي
ثم نوط الكور عن ظهر المطيه
السفر معدود يا ذيب العيالي
وانتهى المشوار ياراع الحميه
ونبحث الموضوع ويجي له مجالي
لا تحرّم بس بالدين الجزيه
صبت الفنجال من صفر الدلالي
ترفضه حتى يتم لك العطيه
عادت الظفران وسلوم الرجالي
يحشمون الضيف من حشمة خويه
ما طلب لا ترفضه لو كان غالي
لو طلبهم كل ما تملك يديه
باصروني يا كريمين السبالي
وانصحوني قبل لا قع فالخطيه
يالظهيري قلت لك عما طرالي
وانت قلي ويشم ردودك عليه


الشاعر محمد غضيان السيحاني.
رحم الله ابو فهد رحمه واسعه.















رد مع اقتباس