مما قال الشاعر . حمود بن عيد ابن النجديه الدعجاني بالشيخ عيدبن سلطان الدعجاني حينما توفي اخاه عبيد بن سلطان حيث تم نشر تعزيه له بالجريده وبعد ما قراء الجريده حمود حيث كان فيها غلط املائي واعتقد حمود انا المتوفي الشيخ عيد بن سلطان حسب ماكتب بالجريده عن طريق الخطا وبعد ماضى عدة ايام جاء احد جماعه الشاعر وقال يا حمود ابشرك ان الشيخ عيد بن سلطان حي ما مات وانا الاسم الذي كتب بالجريده المتوفي هو اخاه عبيد بن سلطان يرحمه الله وقال حمود هذه الابيات .
يالله يامحصي خطايا عبيده***يالي بحكمه تطلع الشمس وتغيب
تبرج لقلبا عاذله مايفيده***لو كان عذاله على حق ومصيب
البارحه في الكبد مثل الوقيده***كنك تقلبها على النار تقليب
لاعدت ياكتاب هاك الجريده***ياليت ليته ماحمل به ولا جيب
عد الرفيق الي علينا فقيده***ياوسع فرجه كاسب المدح والطيب
ياعيد ياعز الرفيق وعضيده***لاجا نهارا يرجح العقل ويغيب
ياماسقى السم السقطري ضديده*** وياما ورد حوض المنايا لياهيب
وان نسنست قرن الشمال وبريده***وراحت نجوم اليل مثل المشاهيب
وتكفكفو والبرد صرم جليده***تذكرو بيته هل الفطر الشيب
ياماعنو له من ديارا بعيده*** اهل الركاب مقرقعات المشاعيب
يبين ذكره في الليااال الشديده***تشهد لاخو موضي شيوخ الاجانيب
يوم الردي دروب المراجل تكيده***من شبه ماواق رؤس المراقيب
مشقيه ماله في حياته زهيده***لايطلب العليا ولايذكر العيب
مال البخيل وثروته ماتفيده***عوزا عليه من كبار العذاريب
ماغير مثل الضب ياكل رديده***دايم على جحره عيونه مواقيب
وتم الكلام وحسبه وتعديده***والمرجله منحه من الله وتوطيب
********