16-Jun-2011, 10:48 PM
|
رقم المشاركة : 1
|
معلومات
العضو |
|
إحصائية
العضو |
|
|
الا ياوجودي وجد من دور الفزعات
بسم الله الرحمن الرحيم
السلام عليكم ......
بويتات لا أكثر اتمنى تنال الاعجاب
الا ياوجودي وجد من دور الفزعات=تصلفق به الدنيا وكن الزمن ضده
يحسب العرب مثله وهي تخلف الهقوات=تمنى السلامه مار ماهي على وده
كبيره على مثله بعد مازمانه فات=لو الوقت يرجع له فعل فعلة(ن) قده
يكن الطعون الداميه داخله بسكات=وكثرت طعونه لين مابيحت سده
يعيش بزمان(ن) فيه ناس(ن) لها غايات=عيون الحسد والملعنه فيه منلده
والا ياحسافه كل ماتطري الاموات=اعد الوفى ولا الردى غصب ما اعده
عرفت ان ماكل(ن) ورث طيب ومروات=ولا كل من يطلع يبا يطلع لجده
كبار المواقف مالها الا هل الوقفات=رجالاً ليا قامت على اللازم تسده
اقوله وانا خابر فعول(ن) عليها اثبات=مع الوقت ماتنسى ولو طالت المده
وتبقى الرجال رجال في ساعة الشدات=ولو ان سكين الصواديف منحده
|
|
|