[طلال ناشي]

بعد التحية

أسعد آلله أوقاتكم بكل خير

رسالةٌ ها أنا أرسلها من خلال منتدى الهيلآ

للشاعر الكبير / عبدآلله بن عون الرويس

أملاً أن تصله محملة بأزكي معاني الود والتقدير

وأن ترقا إلى ذائقته وترقا إلى ذائقتكم أنتم أعضاء وزوار منتدانا الكريم

بعض قصيدي يا عبدآلله ماهوب للنشر = لاكن هذي جزمت أنشر لك أحروفها
عساك تقدر عليها سلم ولا قشر = دور على حلها ياصاحبي وأوفها
تكفى يابن عون ماهيب زور ولا فشر = شرواك يتعب على النخوة ومعروفها
متى على الله تصير الساعة إحدى عشر = إحدى عشر والظروف توافق أظروفها
ياحلو طلت حلآها بين كل البشر = ان جيت أوصف حلآها ما كثر أوصوفها
بنتٍ حشرني غلاها يا ابونايف حشر = يا كثر ماحبها وتعب على شوفها
عشر المشاعر ليا غابت ماتبقى عشر = العشر ترجع ثمان وشوقي إيلوفها
غيابها شر لا والله ماهوب شر أشر = والموت لا شفت لبتها وسرجوفها
في قلب عشاقها ما عاد معها خشر = مشاعره من غلآها ذابت ابلوفها
والوقت عيا يجيلي على ما نشر = والنفس حاولت أعوف وعيت تعوفها
عساك تقدر عليها طيب ولا قشر = دور على حلها ياصاحبي وأوفها

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

آخر تعديل طلال ناشي يوم 23-Jun-2011 في 10:42 PM.