[لسان صدق]

يقول احد شعراء عنزة واسمة ذيب بقان العنزي ردا على قصيدة خالد الفيصل التي منها هذا البيت

يالصباحي ويالسعودي اليا انتخيت .......عزوتك ( عنـــاز ) راعي الطايلات

يقول الشاعر العنزي معبرا عن شعور كل عنزي...

ياخالـد الفيصـل عليـك انفتـح بــاب=وانت الـذي مثلـك يحسـب خطاويـه
بأسم عنزه نبدي لكم بعض الاسباب=وحـنــا الـــذي بقـلـوبـنـا مانـخـفـيـه
لو الصباحي والسعودي لنـا اقـراب=والله مانـشـكـي الـزمــان وبـلاويــه
يأميـر تعطـون العطـايـا بلاحـسـاب=و ضعيف وايـل مالقـى مـن يعشيـه
ويــن الحمـيـا ياكريمـيـن الاشـنـاب=حـتـى نـصـدق بـالـكـلام ومعـانـيـه
امـا انفعـو وإلا افتحـو لعنـزه بــاب=كــود اتعـيـش بالخـلـيـج ونـواحـيـه‏

‏