اقتباس:
المشاركة الأصلية كتبت بواسطة صقر النواصر
والله ماودي ارفع الموضوع يالربع ... بس ما احب اتجاهل احد يكلمني . لازم ارد عليه واجاوبه ...
ماعليك زود ياعزيزي هايم العتيبي .. وتسلم على الدعوة والعزيمة .
وياهايم وانا اخوك .. يبقى متعب الحربي من اخواننا الحروب .. وتبقى قبيلة حرب أقرب قبيلة لنفسي .. أقول اقرب واحب قبيلة .. ولا اقول من اقرب ........والله أقولها بصدق انها اكثر قبيلة اعزها في نفسي اليوم وان شاء الله دوم ...وصدقني ياهايم ماعمري قابلت وزاملت حربي في دراستي ولا في شغلي .. ماعمري قابلت حربي ألاّ يصير أطيب من اللي قبله .. وكل الحروب اللي شفتهم في الواقع يجبرونك على احترامهم وحبهم ..
و ماعندي مشكله لو بعض منتديات حرب نشرت قصائد شعارهم اللي تسبنا ..الوضع عادي... وتافه بعد .. وش بيصير يعني اذا واحد سب عتيبة .... ولاّ واحد سب حرب .... خير ياطير .. القبيلة بيتغير فيها شي ..؟؟ بتزيد ولا بتنقص ؟؟ .. لكن اللي ضيــّق خلقي في الموضوع كله هو حشر الانوف بين روق وبرقا والاصرار على ذلك .. واستمراره طويلا .....
وترى وانا اخوك ردودي ومشاركاتي في سالفة الساحة وبرنامجها اجتهاد مني لدرء الفتنة الكبرى من البداية عشان ماتشتبك عتيبة بحرب...والمخلص لدينه ووطنه وقبيلته هو اللي يطفي الفتنة صغيرة عشان ماتكبر ....وانا والله ماشفت البرنامج ولاعرفت الشاعر كديميس إلا من خلال هذا المنتدى قبل سنة ونص بس .. وقرات له مقتطفات من قصائد بمنتدانا والحقيقة له بيوت في قمة الروعة والجزالة ...وبيض الله وجهه اللي قعد يدافع عن عتيبة امام شعراء القبائل الاخرى .
قناة الساحة انا مقاطعها من سنين ولا اشاهدها بعد شفت لعبتهم الخبيثة في الشات ولعبة كنترولهم قبل سنين بين عتيبة ومطير .. وعرفت انها لعبة كنترول مفضوحة لاستدراج الاغبياء وسرق فلوسهم عيني عينك .... والكنترول في كل القنوات يلعب اللعبة هذي .. حتى في قنوات الدردشة والفرفشة .. ينتحل الكنترول اسم بناتي مثير ومغري جدا ..ويقعد يخاطب اهل الحب والغرام على قولتهم .. وعاد انت تعرف اهل الحب والغرام .. مايصدقون خبر .. هو شاف اسم بنت بس .. خلاص راح فيها ..و طار عقله ... جاك مطفي النور .... والحب عذاب ياناس هههههه .. يخلف الله على الفلوس ..راحت كلها بالمسجات .... والدعوى كلها ضحك بضحك علينا وعلى الشعب السعودي وخفة عقل .. وعساك والله ماتشوف وجه موظف كنترول الساحة وبعض القنوات ..والله لتنسد نفسك عن القهوة اللي تشربها من شوي ولايجيلك نفس تكملها... تلقاه طقاق طبول.... عبد ابن عبد يسوي نفسه ابن قبيلة ويتلزق باسم القبائل .. مثل الفنان الصومالي اللي يتلزق بالدواسر ... ويقعد يسب عتيبة ومطير ..عشان يستدرج اهل الحمية والفزعة بالرسائل ههههههههه .... قال حمية وفزعة قال ...ياعيال القبائل الحمية والفزعة والله ماهي بالرسائل .. الحمية والفزعة موقف وفعل .. ماهي رسالة وتصويت شاعر ......
الحمية والفزعة إذا كانت بلا عقل بتكون غباء .. فزعة هوجاء عمياء ....
تقبل تحياتي ياعزيزي هايم ... وان شاء الله انك رايق اليوم بعد .... وكل يوم ... والله يوفقك دنيا واخرة والجميع
صقر الرووووووووقي |
والله يا صقر ان من يحشر قصائد برقا وروق اطفال تافهين وشاذين وبعضهم من خارج حرب
وانا اكثر زعل منك على اي اسلوب دنئ سواء من حربي او من غيره
وتاكد ان غالبية حرب ضد هذه الاساليب الرخيصه لانها ليست من عادة حرب الصيد بالماء العكر
والدليل ان مواقع حرب الرسميه والمعروف اصحابها تعاملت تعامل واعي مع الموضوع
والشله اللي تقصدهم غير معروفين لدرجة اني لم استطيع ان اعرف هوية صاحب المنتدى
وهذي مشكلة المنتديات اللي اصحابها مجهولين ولو كان فيه نظام يراقب هالمنتديات لهان الموضوع
المجتمع السعودي يجب ان يتجاوز حالات التخلف والتفرقه الجاهليه