[نيزك]

المشاركة الأصلية كتبت بواسطة منصور بن فهيد

300 ريال !! ليتها زحلطن

الآن الحكومه اعتمدت مبلغ 2000 ريال شهريا لكل عاطل وبدأت في صرفها وجاي تقول 300 ريال !! قيمة بطاقة سوا

وبعدين تقول انها حق شرعي لكل فرد في بيت المال !!

طيب ياذكي لو انها حق شرعي لكل فرد من بيت المال هذا معناها انك تتهم او تدين الحكومه باختلاس حقوق الشعب من اول يوم اعلنت فيه الميزانيه يعني من اكثر من 70 سنه هذا حسب وجهة نظرك

وبعدين على اي اساس حددت ياشيخ عايض بأن الحق الشرعي لكل مواطن هو مابين 300 الى الـ 500ريال !!

300 ريال اللي ماهي بعينك شي يالأمير " طااااااال عمرك "

لو جت لكل طفل في العائله شهرياً واستفيد منها في تربية الطفل وسدّ ضرورياته

و فقط حسب تدبير والديه و لمصلحته, فإنها ستحميه من بيع جسمه لباكستاني أو يماني أو مريض

جنسي يرثع فيه عشان بسكوته أو علبة ببسي!!!

-----

طبعاً نحن نتكلم عن 300 كحدّ أدنى .... ممكن نقول :

300 من المواليد حتى سنّ دخول المدرسه
500 من عمر 7 سنوات إلى نهاية المرحلة المتوسطه
800 من عمر 15 سنه حتى نهاية الثانوية أي تقريباً 18 سنه وهو سنّ تحديد التوجه هل هو إكمال التعليم العالي؟

أو التوجه الوظيفي ؟ الذي لابد أن يتم ضمانه للشاب وإلا يعتبر من ضمن فئة العاطلين وعلى هذا الأساس يتم تحديد مقدار الإعانه التي هي حق له حتى يتوظف


نأتي الآن للأمهاااات وماأدراك مالأمهات <<<< الغاليات الحبيبات اللآتي وهبن أعمارهن لنا كأولاد

والله ماأتركهن والله لأطلب لهن ولا أخليها تناظر ليد ولدها وإلا بنتها هم يعطونها وإلا لا

أنا أطالب لكل أم بلغت الخمسين مثلاً وليس لها وظيفه أو دخل ثابت خاص لها

حتى لو عندها 10 عيال <<< ماعلينا منهم ( إذا فيهم خير يزيدونها ولو مافيهم خير على الأقل ماتناظر يديهم)


أنا أطالب لهنّ شهرياً بمبلغ 1000 ريال كحد أدنى ويتم فتح حساب خااااص لها بإسمها

وليس لأحد التصرف فيه إلا هي ويتم تدريب الأمهات على استخدام البطاقه والرقم السريّ (ياحلوهن)

أبيهن يشعرن بأنهن خذن من هالدنيا شيّ لو هو بسيط

---

ليس كل الأولاد صالحين وبارّين و وفيين

ليس كل الأزواج مكمّل على عجيّزه

تلقاها تبي تصدّق , تبي تهدي , تبي تضحي لأبوها , لجدّها .... ..... ماتلقى أو انه يقول لها وشهوله

ويكسر بخاطرها

-----

هذي رؤيتي

أشعر أن في هذا التصرف قمّة الإنسانيه والوفاء للأمهات