السلام عليكم ورحمة الله وبركاته
اليكم هذه القصيده (للشاعر " عبيد بن صعينين المرشدي رحمه الله ) ومناسبتها انه قابل احد المطران في احد الاسواق او ما شابهها ويوم عرف المطيري انه من عتيبه قال احمد اللي خذلكم يا قوم جهيمان فسكت شاعرنا تحسبن لبعض الامور ولا يدري هذا الرجل من اي القبايل فسأل عنه وعرف انه مطيري فقال هذه القصيده
يقطعك يا حكي(ن) على غير برهان = كلمه هزيله من لسانن حقودي
حنا عتيبه لابتن شانها شان = قبيلتن فيها تضيع اللهودي
ما خرب السمعه عليها جهيمان =مقدارها عند الحكومه يزودي
ولا ننجزي بالشين في كاينن كان = امرن حصل غره سعوبه قرودي
لا شق له خلفن ولا هس ميزان = الحكم مرسي والحدود الحدودي
وكانك من المطران عطبين الاكوان = انشد جدودك يا عريب الجدودي
طلال سشهد يوم زوعات الاضعان = يوم ان ضرب الملح مثل الرعودي
ويم العويند ربع الذيب سرحان = ما طرت البرقان يم النفودي
والمجمعه تشهد على روس الاوطان = لا خير في هرجن بلياشهودي
وانشد عن المكلاه يا فيد عوجان = تخبرك باللي صار يم الطرودي
افعالنا يوم الاعنه والارسان = بوقتن سلف جعله لنا ما يعودي
والله يعز اللي لنا عز الاوطان = امين يارب الركوع السجودي