[عزيزقوم]

المشاركة الأصلية كتبت بواسطة سنجـار

هناك خطاء وخلط شديد وهذاؤ للتوضيح والأمانه التاريخيه

تقولون ان عقاب طرد فهيد الفواري ويستشهدون ببعض القصائد التالية:


انا من العصلان واصلي عريبي
,,,,,,,,,,, , علي بالقفر المطرّف الى هيب
قالوا ابواعة والمصيّد خصيبي
,,,,,,,,,,,,, تعكفت جرع المصيّد من الطيب
وانا على اللي كنها راس ذيبي
,,,,,,,,,, اكحيلة(ن) من محكمات المجاذيب
انطح عليها كل ليث(ن) مريبي
,,,,,,,,,,,, واثني عليها دون زمل الرعابيب
عابينها لمدرّع(ن) مايهيبي
,,,,,, ان حل ضرب(ن) بالسيوف المحاديب
تلاوحوا من فوق شهب السبيبي
,,,,,,,,, خيل(ن) تطارد دون حرش العراقيب
صاح الصياح وحان ثار المغيبي
,,,,,,,,,, وتسابقن ريع المغني جناديب
شهب(ن) عليهن مهزمين الحريبي
,,,,,,,,,,, , اللي على جمع المعادي مهاذيب


هذه قالها في مواجهاته مع فهيد ابن شعلان وليس العواجي لان فهيد الفواري كان قبل وقت العواجية وهو الذي قتل فهيد بن شعلان وفهيد ابن شعلان على وقت ضيدان التمياط الذي طعنه بالرمح وضيدان ابو مشل وجد مسلط الذي كان على وقت العواجية

فقال فيه عند ماقتله في الوادي جنوب العصام .

ياطيور وسمة موميات الجناحين : : ودعتكن فهيد لاتاكلنه
وش عاد لوهو عند جضع يناحين : : ماودنا حرد اليماني وطنه

و فهيد الشعلان كان يسكن اراضي العواجية الان عندما قتل الشريفات
وهو الذي صبح الشريفات من الكواكبة من الرولة وقتلهم شر قتلة فقيل ( صباح
الشريفات)

والسبب في ذلك انه عشق احدى بناتهم وتسمى قوت فخطبها من والدها فرد عليه بالابيات التالية :

اذا قضبت الشمس بالخمس يافهيد : تعال عرس والجهازات مني
ياغير توفي عنزنا من رضم فيد : تحطهن بمشيد حتى يبني

عنز ومشيد تلال موجودة بالقرب من ابيار الكواكبة


ايضا عيال هضيب الفوارية اشتركو بحرب الكير
على وقت مطلق الجربا وهم رجال حينها قبل موقعة العدوة بوقت

عندما قصدت مويضي البرازية تقول :

صاح الصياح وهللـن العذاراء : : والمال جانا كثر الازوال حادي
وركبـوا عليــهن سربتين تبـارى :: كل بفعله عند الاخر يماريه
ومصيول التجغيف مثل الحوارى : : وسيوف علوى شرعن في علابيه
امدح عيال هضيب هاك النهارى : : الهوش كمل والحق المدح راعيه

والفوارية هم عيال هضيب دخلوا الحرب ومعهم عيال التجغيف وشيخ العمود فايز ابن هذيل وضيدان التماط جد مسلط الذي كان على وقت عقاب بقيادة مطلق الجربا
فكيف يكون في وقت عقاب اذا!!!!!!!!!!!!!!!!!!!!!!!
فاخواننا العنوز جزاهم الله خيركل مايعرفون الا عقاب فيضعونه لعقاب

اما القصائد التي تدل على طرد العواجي لفهيد الفواري والحدب وان ابن عقاب قتل هايس وهو بزر حينه والاحداث كانت في وديان عنزة بالشمال فهي من انشاء فارس الجعافرة الاول الاسمر الجويعان سود الله وجههه الذي اخذ على عاتقه تلفيق تاريخ عنزة وهذا معروف عند الجميع

فهيد كان قبل هذا التاريخ كما اشرنا سابقا .
خليف الحدب اتى لحايل على في اخر حكم محمد الرشيد من الجزيرة
فهو متاخر كثيرا عن فهيد الفواري وعن عقاب ايظا
ابن عقاب كان صغيرا في حادثة قتل هايس القعيط

والفوارية نزحوا للجزيرة مع شيخهم فايز ابن هذيل ( ابن عمود) ايام نزوح الجربا
وكذلك الحدبان نزحوا في ذلك الوقت ايام نزوح الثابت والشعلان من المنطقة

وتقبلوا خالص تحياتي
.........................
والسلام عليكم

الأخ العزيز سنجار

السلام عليكم ورحمة الله

إما بعد ياعزيزي أنت تقول أن فهيد الفواري لم يكون على دور عقاب العواجي أنا أبغاء أناقشك

حول هذا الموضوع ولكن يكون النقاش هادي وبدون مزايدات أو مغالطات وانا أعاهد الله ثم أعاهدك

إنني ما أقول إلا ما سمعته من غيري ومن المورخين ولن أجيب شي من عندي وارغب منك ذلك

1- وش رأيك بقصيدة عقاب العواجي يوم يقول :

إنا جنبها يم شحوا السنا عيس = أجنب لها عن الحدب والفواري
على جواد ماغياها هلا بيس = من ساس خيل مدوسين المحارى
تهوي أهواي أمشوهات القرانيس = أن طالعت عن بعد جول الحباري
عابينها لعدوان وافهيد واجويس = فريس يرمون لعشا للضواري
نبي نطارد كاسبين النواميس = خيالهم ماهو عن الموت داري
أهل الفعول ومتعبين المحا ميس = والكل منهم في افعوله يماري
من دمهم نروي حدود العبابيس = وبيمامنا هدف السيوف الهوا ري
أن جنهاراً فيه جدع الملابس = والمنع ماله في هكا اليوم طاهري
في معتلجهن حاضر حضرة إبليس = صاح الصياح وحان وقت المثاري
من بيننا ضرب النمش له تضاريس = والعمر يرخص بين بايع وشاري
ليه على جدع المدرع ملامس = ومني سروج الخيل تنهج عواري

وتلاحظ ياعزيزي أن عقاب ماسب الفر يس الذي ذكرهم إنما مدحهم مدحاَ يليق بهم وانتم

عندما تذكرون عقاب تسبونه وهذا والله عيب عليكم وعلى كتابكم وشي يندى له الجبين

وهذا يخصكم وحدكم وعلى ذمتكم وسوف تسألون عنه يوم ألقيامه

2- وشي رايك في قصيدة فهيد الفواري يوم يقول :

انا من العصلان واصلي عريبي = علي بالقفر المطرّف الى هيب
قالوا ابواعة والمصيّد خصيبي = تعكفت جرع المصيّد من الطيب
وانا على اللي كنها راس ذيبي = اكحيلة(ن) من محكمات المجاذيب
انطح عليها كل ليث(ن) مريبي = واثني عليها دون زمل الرعابيب
عابينها لمدرّع(ن) مايهيبي = ان حل ضرب(ن) بالسيوف المحاديب
تلاوحوا من فوق شهب السبيبي = خيل(ن) تطارد دون حرش العراقيب
صاح الصياح وحان ثار المغيبي = وتسابقن ريع المغني جناديب
شهب(ن) عليهن مهزمين الحريبي = اللي على جمع المعادي مهاذي

أين تقع بواعه والمصيد الذي ذكرها فهيد الفواري في قصيدته ليسا في ديرة ولد سليمان

فهي تقع جنوب شرق فيضه ابن سويلم باتجاه الجنوب من الشقيق ديرة العمود من شمر

3- وش رايك في قصيدة فهيد الفواري الثانية بعد ماتقابل مع عقاب وذكر فيها تفاصيل المعركة

وعندما أخمرت به فرسه الكحيلة ويقول بنص الكلام ماهي لنا ديرة عقاباً وسعدون يالله العجب

يقوله بقصيدته وتجي أنت وغيرك وتقولون انه ليسى في زمن عقاب وين تروح هذه الشواهد يوم يقول :

يابـوي يازبـن الجـواد الهزيلـه = ان حل عند اقطيّهن ضرب مسنـون
ان جاء نهار(ن) مظلم(ن) مثل ليلـه = ياملحـق اللـي بالمعـارة يخلـون
الديرة اللي اخمـرت بـه الكحيلـه = والله ماتسوى عندنا شرب غليـون
ما اقعد بهـا ياوالـدي ربـع ليلـه = ماهي لنا ديرة عقاب(ن) وسعـدون
دونه عقاب الخيـل يلمـع صقيلـه = كم فارس(ن) من حربته طاح مطعون
وحيـاة منشـي المـزون المخيلـه = ان الجزيـرة مـا لنـا دونهـا دون

4- قصيدة سعدون العواجي يوم يتفاخر بفعل ابنه عقاب ويلاحظ القاري العزيز انه لم يسب

فهيد الفواري إنما قال بالحرف الواحد نجمه سطع وفهيد نجمه عنه غاب مااسب ذيب الخيل مارا لسعد زين

عقاب حق الطلع من راس مرقـاب = خم الفواري يـوم مـاح الجناحيـن
جلاّه من نجد(ن) على غير ماطـاب = وقبله عثا بجموع قـوم(ن) قوييـن
له مخلب(ن) مايقدره كـل مخـلاب = ليث الليـوث الهايجـة بالاكاويـن
نجمه طلع وفهيد نجمه عنـه غـاب = مااسب ذيب الخيل مار السعد زيـن
تعيش ياعقاب(ن) ذعر خيل الاجناب = اهل الرمك من سطوتـه مستخفيـن
ان جاء نهار(ن) فيه وقفات الاشناب = يوم(ن) به يثارون طلابـة الديـن
سيفه بهامـات المناعيـر قصّـاب = عوق الخصيم اليا تعـدى القوانيـن
يلكد على الصابور والجمع ماهـاب = اليا عثى فيهم عثـى فيهـم البيـن
يلكد ملاكيد(ن) لبـا زيـد وذيـاب = ليث السبايا ماضي(ن) له براهيـن
ان مد عقاب الخيل للسـرح جنّـاب = نامت عيون اهل الدبش مستريحين
حنا تنام عيوننـا فـي ذرا عقـاب = واضدادنـا منـا يباتـون سهريـن

5- اما اخذ الاخاوه على اهل فيد وفتح مزاع اهل حايل انا والله ماجبتها من عندي انما سمعتها

من الرواه وهي موجوده في بعض المنتديات وعلى ذمة من قالها وفيها شواهد كثيرة وهي كاتالي :

عندما علمت شمر العراق إن شمر نجد يأخذ العواجي عليهم الاخاوة

قال صالح الضلماوي الشمري من العراق قصيدة طويلة منها هذه الأبيات مرسلها إلى مبيريك التبينوي

الشمري من نجد

مبيريك هي صدق علوم لفتنا = ياشيخ ماتاقف وتزعج لنا صوت
دنياك هذي بالجزيره رمتنا = ولاينفع العداي يافوت الفوت
ياما على هاك الجراير نهتنا = وأبن أدم مايشبع الا من الموت

ثم ان الفارس الشهير فهيد الفواري من العمود من شمر من اهل الجزيرة بالعراق سمع عن عقاب العواجي

ومافعله في شمر وجاء من الجزيرة فــ سأل فهيد الفواري الحاضرين عن احوالهم كماهي

العادة في تبادل السلام واثناء تبادل السلام رد احد الحاضرين بالقصيدة التاليه :

ان كان تنشدني عن الحال يا فهيد =حزين لا جرا لك اللي جرا لي
باكر يجينا عقاب ينزل على فيد = ولا عندنا اللي للسبايا يوالي
تولموا يا اهل البقر والمعاويد = كلن على معيده يسوق الريالي
اخاوة لو به علينا مناقيد = فرضت علينا من بعيد المدالي

والله ياخي هاذي شواهد ثابتة أن أردت تقنع فيها أو ترفضها فهاذا يخصك وحدك

إنا وضحت حسب ماسمعت وقريت والله على ماقول شهيد

إما بعض الردود الهابطة من بعض الإخوان وأنت ليسى منهم فا أنا اعتبر عدم الرد عليهم

أفضل لانها ليسى بمستوى القاري العزيز ونترفع عنها احتراماً للمعازيب التي نحنا في

ضيافتهم فهم (عتبيه ذباحة الحايل لطامة العايل) لهم مني كل الاحترام والتقدير

ولك أنت ياعزيزي

آخر تعديل عزيزقوم يوم 14-Oct-2008 في 08:48 AM.