البارحه في تالي الليل يسعود=قامت هواجيسي عليّه تحني
يسريبي الهاجوس مرات ويعود=يبحث شريط الذكريات بتأني
قلت أساله بالحال مافيه منقود=أنته علامك بالقشر ممتحني
حملتني شرهات وعتاب وصدود=ألين بيحت الخفايا وكني
قال العرب مابين حاوي ومردود=ونته على روس النوايف تغني
قلت أجمع القوات ضباط وجنود=وبشر برمحن فالملاقى مطني
حنا هل الوقفات أبٌن عن جدود=زين الفعول وردو العلم عني
قال أستمع في كلمتي ونت مقصود=قدام يطلعلك ثمانين جني
أبعد عن التفكير في كل مقرود=وتٌرك هروج الناس منا ومني
سحابة النمام لا برق ورعود=مهما يسويله من إخراج فني
أهل الحسد ماتعرف النقص والزود=وهل الوفاء شرواك لازم توني
وقفى وخلاني على هبت النود=تضربي الأفكار في كل ظني
وختامها مدري وش أقول يسعود=فالهاجس اللي فالضمير أمتحني
| التوقيع |
يالله يامنجي نبيك من الحوت=وعالم بكل الناس واللي وراها
تغفرذنوبي كلها قبل ماموت=أنته ملاج الناس ونت الإلاها
عبدالله المقاطي |