خيال الصفراء=
مرحبـا ترحيبـة ٍ مقريّـة ٍ مسموعـه=من قراها يا علي من طيبها ,, يسمعهـا
ودي اعرف ويش سر الزرعه المزروعه=في بلاد الشام واهل الشام ما تزرعها !!
علي العضياني =
البقـا باللـي مـع أصحابـه قليـلٍ نوعـه=العرب تعرف بيوت الشعر من مطلعهـا !!!
يا عسى نواف فوقه مـا يـدور إسبوعـه=شاف روس القوم تغزي قال أبغزي معها !!! !!
خيال الصفراء=
انت يا راع الدعاوي ريّس المجموعـه=السنين الماضيه مرت ,, ويا مسرعها !!
كل رجل ٍ وده انّـه ينتهـي مشروعـه=وانت خلك حولنا, والدايـره راجعهـا !! !!
علي العضياني =
طول ليل الذيب يعوي فالجبل من جوعـه=و الغنم في شبكهـا راع الغنـم مشبعهـا
ليت نواف العطاوي منهيٍ موضوعه !!!=و ابك أنا أعرف سيرته و علومه مسنّعها!!
خيال الصفراء=
لو علي يبصم فمه يا صحابنا في كوعه=اهون انه كل ريم ٍ شارده يجمعهـا !!
يا علي , نواف والله ما تشين طبوعه=والبيوت العامره بيبانها , شرّعهـا !! !!
علي العضياني =
من زرع له زرع يجني من ثمار زروعه=يا عسى الروقه ثمار زروعها تنفعها !!!
صاحبي نواف لو جيته كسرت ضلوعـه=ثمّ بعدها يهتـدي و العافيـه يبلعهـا !! !!
خيال الصفراء=
كل بنك ٍ فالبلـد نعـرف مكـان فروعـه=وكل شرْكه تعرف العربان ويش اسلعها !!
لا تحسب اني خبل من شجرة ٍ مقطوعـه=لو تجينا قلّتـك مـن متنهـا نقلعهـا !! !!
علي العضياني =
نحسب إنّـك بالثقافـه تعتبـر موسوعـه=ليـن قمـت تليّـم ألاقـوال و تجمّعـهـا
المطر خيّل على ظلـم و نطـق جربوعـه=و إعترض سيل المسيل المنتحي ( بايعها ) !!
الله الله
خيال الصفراء
مبدع مبدع
وشهادتي فيك مجروحه
صح لسااانك حتى ترضى
ابوفلاح المعروف لايعرف
صح لساانك مليون
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|