[(مہودع دنہيأهہ)]

المشاركة الأصلية كتبت بواسطة سويلم الشيباني

حتى تكون في الصورة انا ماتكلم عن قاتل القذافي ولاعرف نسبه هل هو شيباني عتيبي او تشابه اسماء الله اعلم

انا تكلم عن هجرات البدو الرحل قبل سقوط الدولة العثمانية قبل 100 سنة تقريباً يوم ماكن فيه شي اسمه حدود يوم الناس تمتر البلدان العربية عرض طول ماحد يقول لهم وينكم رايحين.

القذافي عنزي من القحوص على كلامه عندك الرشايدة منتشرين في مصر والسودان وليبيا وتونس وغيرهم واجد من القبايل احد بقى على اسمه واحد دخل حلف مع قبايل ثانية.

فموضوع انتشار القبايل في الدول العربية لعهد قريب جداً لايتجاوز 100 سنة بالكثير هذا شي منتشر وموجود ولافيه اي غرابة


وانا ماشوف ان فيه اي فخر لهجرة القبيلة الفلانية ولكن من حق كل من هاجر ان يحفظ نسبه ولاننكر عليه انتسابه لاصله وفصله في نجد والحجاز

واليوم كل من هاجر من القبايل يتمنى يرجع للسعودية ويكون سعودي وهذا من فضل الله علينا

يا أخوي انا كان كلامي عن الشيباني اللي قتل القذافي.إنه ماهو بعتيبي.

واما عن الهجر فنا معك ولاكن وانا أخوك القبايل اللي كانت تهاجر خارج الجزيره العربيه أغلبها مرت عليها ضروف أجبرتها عن الهجره بلا عوده إلى مقرهم الساابق.


واما اللي تتكلم أنت عنه إن البدو من ضاري رحل انا معك لاكن ماتعتبر هجر .والبدو ضاري يتعبون ربيعهم في أقرب المناطق لهم اللي فيها الربيع وهذي كانت إلى وقت قريب حتى بعد حكم عبدالعزيز ومازال بعضهم إلا يومك ذا على هذه الحال بس أقليه بس تطور شوي ههههههه.

ولتنبيه بس ترااء الدوله العثمانيه سقطت قبل إمكن ميه وعشرين سنه على ما اضن لأن بعد سقوط الدوله العثمانيه حكم الشريف ثم حكم عبدالعزيز.

واما عن القذافي فهذه الشي ماهو بمئكد


وتشرفنا بالنقاااش معك.