صباحكم و مسائكم شعر و رقيّ حرف .. ,,
.
.
.
نقول مبروك عليكم الشهر 
تواصليّه إسمحوا لها بالمكوث هنا
.. ,,
.
.
.
ليه أحس إني بعد بعدك وحيد = يا حبيبي يوم شدّيت الرحال
حال قلبي في غيابك لا جديد = بين هم وبين غم وضيق بال
شفت صمامة وريدي فالوريد = فجرت في غيبتك والدم سال
كان أحاسيسك بليده يابليد = حالتي لا جيت هي أقرب مثال
ناحل ٍ جسمي وكأني في جليد = فاقدك فاقد دفا كلمة تعال
شاحب ٍ وجهي وفاقد لي فقيد = غيبته طالت وهمي فيّ طال
كانها يومين عن عيني بعيد = ثانيه في غيبتك عندي ليال
قال لي حاول تجرب بالمحيد = كود ما تلقى تفاكيرك مجال
قلت طيب والصراحه والمفيد = مارفضته في وصاته يوم قال
راح يحسب قلب مفتونه حديد = ما درى به مايطيق الاحتمال
يوم سافر و الحكي كله قصيد = والورق قوا علاقات الوصال
القلم ينزف و حبره في مزيد = ينتثر فوق الورق نزفه خيال
من بنات أفكاري أوراقه تجيد = صورة ٍ لا جبتها نلت المنال
يا بنات الفكر شاعرك الفريد = يستمدك يزهمك في كل حال
ينبذ التكرار في فكره وليد = صورته في عنقها عقد الجمال
لو تشوف البيد ماهي بيد بيد = ضاميه للوصل ما فيها ظلال
و الشوارع ليلها ماهو سعيد = فاضيه كأن المدينه فاحتلال
شفت لا من حط فاليدين قيد = وأنت تصرخ لا لا هذا محال
و الحشا للهم والأحزان صيد = تبحث الحيله ولا فيه احتيال
هذا أنا ياقلبي وسيدي وسيد = كل عمري أنت ياذرب الخصال
لا زهمت الرقم عيا لا يفيد = يشبك الجوال في ذا الاتصال
وان بغيت ارسل رساله بالبريد = حرف شعري مع هجوسي في جدال
حرف شعري قال انا رايي سديد = الصبْرْ زين و جربه تلقى عدال
و الهجوس تزيد بالهرج وتعيد = من ضماها فيك يالعذب الزلال
شوفتك عندي تراها يوم عيد = يا ضما العطشان ياسمح القبال
غيبتك طالت و همي لا يزيد = عود تكفى عود لي يابن الحلال
.
.
.
ع م ر
| التوقيع |
في منتدى الهيلا زحول الرياجيل = بيت القبيله و النشاما إرواقه
يزينه حرصه لزين التماثيل = ويجمله نبذ العلوم الدقاقه
|