[صاهود]

الحسد والتجريح والحقد والساس=والكذب والتضليل والبهت والجور
ماغيرهن يكره الناس بالناس=الوقت علمني وانا صرت دكتور
من كثر ماخاويت حطيت مقياس=اقيس دربي قبل لركب علي الكور
اخاف لامن حول الفاس بالراس= اصير في بعض المواقيف مجبور
تعال رقع لاطوا حبلك الياس=تبا العذر وتروح مارحت معذور
مره تقول الناس مافيهم احساس=ومره تقول الحظ وياي مكسور
ويروح ليلك والهواجيس جلاس= طابور يقفا ويتقفاه طابور
ولاّ الحقيقه واضحه وانت لاباس=طيب ولك سمعه كبيره ومشهور
لكن وين اللي يسلم لك الكاس=في مجمتع عايش علي الكذب والزور
ماتدري ان العرق يالهاب دساس=وان العرب عميانهم تقبل العور
خلك سواتي حط للناس مقياس=وتصير مثلي في لياليك مسرور
وسلامتكم=

آخر تعديل صاهود يوم 18-Jul-2009 في 07:15 AM.