[خيّال البـل]

السلام عليكم
تشكر على الموضوع اخي ابن بليهد

بالنسبة لأشعار الأمير مناحي الهيضل راعي البرصا فهي متعددة المناحي والمواضيع وعميقة المعاني والمفردات وأما الحكمة والجزالة بها فحدّث ولا حرج منها على سبيل المثال لا الحصر:

ما جاء في ذم البخل والشح وهي أبيات سارت بها الركبان وتناقلها الرواه:
وترى الردي لو كان ماله قطيعين *** ما فيه فود مثل نبت الهراسه
يبخل على نفسه يبوب المواعين *** مثل الحبيني في ترابه لحاسه
مخطي من الدنيا ومخطي من الدين *** وعاجي على درب الردى والخساسه

ما جاء في الفخر والشجاعة والحزم:
لي مهرة فيها دحم *** تلحق بعرقٍ فيه ريش
والطير يبي له لحم *** ملزوم نطرح له دويش
وله أيضاً:
حذف الموارت ما بها نوماس *** حذفة شرود من بعيد
ما فعلٍ ألا قضبته بالراس *** والله يدبر ما يريد
علي باللي تبعد المرواس *** والعمر لزم انه يبيد
وله أيضاً:
نركب على الحرقا بلدن عروق *** في ضف بوشٍ بالخطر نرعاه
باغٍ ليا حديو على الخنتوق *** وكلٍ طرق راسه عن الاهواه
اردها لعيون زاهي الطوق *** عافت بعلها ما تبي نماه
والمجال متسع.

ما جاء في الويل والتوعد:
والله لروي جبها والعود *** الصبح لا جاء للرمك ميدان
يا عبيد انا ما اصبر على المنقود *** جا الحول ما اديتوا على الزرقان

والحدييث يطوزل في هذا وشاكر لك مرة اخرى