بنات الفكر تاخذني بعيـد عـن الخيـال يميـن=على وجـه الحقيقـه والجزيـره نورهـا بـادي
أنا منها وأنا فيها وأنا اللي تحت رمـش العيـن=وأنا اللي ساكن في سهلها في الضلع ..في الوادي
مقيـم فـي معزتهـا ولا لـي نـيـة بعـديـن=علـى مايسـر الله حبهـا فـي داخـل فـؤادي
بنى له بيت من حسن المبانـي مايجيـه الشيـن=على نور الشريعـه والشريعـه منهـج الهـادي
محيط ينصف المظلوم من ظلمـه ودربـه زيـن=ربيع المؤمن اللـي موقعـه مابيـن الأجـوادي
يروح يمين عن درب الحـرام ويرشـد الغاديـن=على يقظة حذر في موطنـه توجيـه وأرشـادي
على كف القدر يخشى من الله ثم مـن الداريـن=ينال الفوز في الأولى والأخرى عـزم وجهـادي
تزود من منابيع الفقـه فـي كـل يـوم وحيـن=مثل ماينقله في المزهب الطرقـي مـن الـزادي
ويطلب رحمـة الله...رحمـة الله مالهـا تثميـن=نجاة من عذاب الاخـره هـي راس الاسعـادي
عسى الله يغفر الـزلات مابيـن القسـا والليـن=وأنـا طامـع بعفـو الله وهـذا غايـة مـرادي
ألا ياعاشـق الدنيـا تراهـا سيـف ابوحديـن=تشوف الخير يـزدادي وفيهـا الشـر يـزدادي
تخيـر لا تحيـر ميـز الوحـدة مـن الثنتيـن=الا ياما أطول المادي والا يامـا أقصـر المـادي
سعد الكريزي